+3 °С
Болытлы
Барлык яңалыклар
10
Көнүзәк
1 апрель , 13:01
“Бу дөньяда эзең калсын дисәң”
З. Исмәгыйлев исемендәге Уфа дәүләт сәнгать институтының Уфа “Нур” татар дәүләт театры студиясенең дүртенче курс студентлары “Бу дөньяда эзең калсын дисәң” дип исемләнгән әдәби-шигъри композиция тәкъдим итәчәк.
“Бу дөньяда эзең калсын дисәң”
Чара XVIII гасыр дин белгече һәм мәгърифәтче шагыйрь Габдрәхим Утыз Имәни әл-Болгари шигырьләренә багышланачак һәм шагыйрьнең тормыш юлы, мәгърифәтчелек эшчәнлеге, аның турында фәнни тикшеренүләрне үз эченә алачак. Галим шигырьләрен Башкортстанның халык артисты, Татарстанның атказанган артисты Мәхмүт Фатыйхов укыячак.
Габдрәхим Утыз Имәни әл-Болгари – татар мәдәнияте һәм фәне тарихында күренекле шәхес. Аның шигырьләре һәм хезмәтләре татар теле һәм әдәбияты үсешенә зур йогынты ясый.
Чарада тамашачылар аның фәлсәфи фикерләре, дини карашлары һәм фәнни мирасы белән таныша алачак. Булачак актерлар Русиянең һәм Башкортстанның халык артисты Таңчулпан Бабичева җитәкчелегендә якты һәм истә калырлык тамаша булдыру өчен күп көч салган.
Чара 2 апрельдә 16.00 сәгатьтә Уфа “Нур” татар дәүләт театрының кече залында үтәчәк. Рәхим итегез, керү бушлай.
Читайте нас: