“БашПеревод” автомат мәгълүмат системасы тәкъдим ителде

– Без ясалма интеллект һәм башка технологияләр тормышыбызның барлык өлкәләренә тиз үтеп керә торган кискен үзгәреп торучы дөньяда яшибез. Күптән түгел без башкорт телендә беренче "Һомай" колонкасы барлыкка килүгә сөендек. Ә хәзер беренче квалификацияле тәрҗемәчене тәкьдим итәбез. Аны гамәлгә кую өчен без республика Хөкүмәте карарын үзгәрттек. Хәзер комиссия мәгълүмат системаларының квалификацияле тәрҗемәчеләр белән эшен җайга сала. Шушы адымнан башка без алга китә алмадык. Республика Хөкүмәте карарында тагын бер үзгәреш торак пунктларның, географик объектларның, предприятиеләрнең, оешмаларның һәм учреждениеләрнең исемнәрен язу өчен автоматлаштырылган системаны дәүләт телләрендә файдаланырга мөмкинлек бирә, – диде республика Хөкүмәте Премьер-министрының беренче урынбасары Урал Килсенбаев.

Уфа фән һәм технологияләр университеты доценты Айнур Хәйбуллин “БашПеревод” автомат мәгълүмат системасын тәкъдим итте, аның ярдәмендә физик яисә юридик берәмлекләр, шәхси эшкуарлар сүзләрне, сүзтезмәләрне һәм җөмләләрне башкортча тәрҗемә итә алачак. Мондый тәрҗемәләр юридик көчкә ия булачак һәм башкорт теленнән аккредитацияләнгән экспертларның имзасы белән расланачак.

Уфа фән һәм технологияләр университетының башкорт филологиясе һәм журналистикасы факультеты деканы, профессор Гөлфирә Абдуллина сүзләренә караганда, текстларны тәрҗемә итү өчен экспертлар - башкорт теленең тәҗрибәле укытучылары, филологлар җәлеп ителәчәк.

Башкорт телен саклау һәм үстерү фонды җитәкчесе Гөлназ Йосыпова сөйләгәнчә, Башкортстанның дәүләт власте һәм урындагы үзидарә органнары өчен документларны тәрҗемә итү билгеләнгән формада рәсми хат биргәндә түләүсез нигездә мөмкин. Коммерция оешмалары өчен тәрҗемә түләүле нигездә бирелә. АИС "БашПеревод" та "Дәүләт хезмәте" порталы аша теркәлергә мөмкин.

Дәүләт җыелышы-Корылтай депутаты, парламентның Фән, мәгариф, мәдәният, яшьләр сәясәте һәм спорт комитеты рәисе Айбулат Хаҗин «Башкортстан Республикасы халыклары телләре турында» Закон үтәлешенә парламент контроле турында сөйләде.

Нефтекама шәһәре хакимияте башлыгы урынбасары Илфат Минәҗев һәм Уфа районы хакимияте башлыгы урынбасары Люцина Ризванова “Башкортстан Республикасы халыклары телләре турында” Законны гамәлгә ашыру буенча муниципаль комиссия эше белән танштырлдылар.

Фото: Фәнүз Хәбибуллин