“Хисләрне сүзләр белән генә әйтеп булмый…”

Владимир Волков - «Русиянең Башкортстанда эзләнү хәрәкәте» җитәкчесе һәм республика Хәрби дан музееның фәнни хезмәткәре. Музейда «Армия мәдәнияте көннәре»ндә "Русия. Донбасс. СВО" күргәзмәсе җәелдерелде.
Экспозиция махсус хәрби операция вакыйгаларына багышланган һәм сугышчыларның шәхси документларын, көнкүреш әйберләрен һәм хатларын үз эченә ала.

- Монда НАТО илләренең кораллану үрнәкләрен күрергә була: төрле пилотсыз очкычлар – фрагментлар һәм бөтен килеш, FPV-дроннар, алар Украина өчен Европа программасы буенча китерелә. Аларда хәтта «Дроннар армиясе» махсус маркировкасы да бар, ә һәр двигательдә өч трезубец. Салават Юлаев батальоны биргән дрон бар. Бу ”Баба-Яга" - зур аграр пилотсыз очкычы, аны Украинада хәрби максатлар өчен үзгәртеп эшлиләр. Шулай ук безгә Курск өлкәсеннән һәм Луганск Халык Республикасыннан пилотсыз платформалар белән шөгыльләнүче махсус бүлекчә сугышчылары биргән пилотсыз очкыч бик кызыклы, – дип сөйли ул. - Экспозициядә Украина хәрби көчләренең төрле амунициясе фрагментлары да бар – аларны НАТО илләре, Германия җитештергән. Мәсәлән, Испаниядә җитештерелгән бронежилет. Моннан тыш, безгә бронетехника фрагментларын тапшырдылар – танклар, БМП, ут системалары.

Владимир Волков СВО зонасында берничә тапкыр булган инде. Иң көчле тәэсирләрнең берсе Бахмутка (хәзерге Артемовскига) бару булган:
— Шәйморатов исемендәге батальоннан озата баручылар белән без бәрелеш сызыгы буйлап үттек һәм шәһәргә кердек. Миндә хәтта видео да сакланды, анда безнең арбада музейның булачак экспонатларын кулдан тәгәрәтүебез һәм дроннан качуыбыз күренә, - дип сөйли ул.

Аның өчен аерым тема – күргәзмәне тулыландырган тыныч тормыштагы халык әйберләре.
- Өч бала атасы буларак, мин беренче чиратта балалар әйберләренә игътибар итә идем. Җимерек йортка кереп, кешеләрнең ашыгып качканнарын аңлау бик куркыныч: шкафлар балалар әйберләре белән тулган, диварларда грамоталар, мәсәлән, олимпиадада җиңгән өчен беренче сыйныф укучысына бирелгән, кешеләр бернәрсә дә алырга өлгермәгәннәр. Идәнгә мәктәп дәфтәрләре, көндәлекләр сибелгән, аларны аласың, укыйсың... Хисләрне сүзләр белән генә җиткереп булмый. Мондый әйберләр ярдәмендә без сугыштагы кеше фаҗигасе картинасын төзибез. Сугышчылар турында күп сөйлибез, әмма тыныч халык фаҗигасе турында еш онытабыз, - ди яугир.

“Армия мәдәнияте көннәре” тәмамланганнан соң «Русия. Донбасс. СВО " экспозициясе даими булачак.