Безнең өчен зур дәрәҗә

Очрашуда социаль-икътисади үсеш, агымдагы акча-кредит сәясәтенең төбәк икътисадына, Башкортстанның финанс секторы торышына йогынтысы мәсьәләләре турында фикер алыштылар. Шулай ук көн тәртибендә – Русия-Беларусь хезмәттәшлеге нәтиҗәләре һәм перспективалары, шул исәптән республика территориясендә дә.

Башкортстан Башлыгы ике илнең үзәк банклары җитәкчеләренә республикада шундый югары дәрәҗәдәге чара үткәрергә карар итүләре өчен рәхмәт белдерде.

– Безнең өчен бу - зур дәрәҗә, - дип ассызыклады Радий Хәбиров. - Авыр вакытларга карамастан, Башкортстан үсүен дәвам итә. Макроикътисади күрсәткечләр күзлегеннән бу елны без яхшы тәмамларбыз дип уйлыйм.

Төбәк җитәкчесе шулай ук Беларусьның Башкортстанның төп тышкы икътисади партнеры булуын искәртте.

- Бездә зур потенциалга ия булган уртак проектлар күп. Алар барысы да тормышка ашырылыр дип ышанам, - диде республика Башлыгы.

Эльвира Нәбиуллина билгеләп үткәнчә, Банкара валюта советы утырышында Русия һәм Беларусь арасында финанс хезмәттәшлеге турында фикер алышу бара.

- Ул икътисади һәм инвестицион хезмәттәшлекне үстерү өчен кирәк. Башкортстан безнең илләр арасындагы хезмәттәшлекнең бик яхшы үрнәген күрсәтә, - диде Русия банкы Рәисе. - Сезнең төрле өлкәләрдә уртак проектларыгыз күп, һәм безнең Беларусь Республикасы Милли банкы белән бурычыбыз - финанс шартлары мондый башлангычларны тормышка ашыруга ярдәм итәрлек итеп эшләү.

Русия Үзәк банкы җитәкчесе шулай ук Башкортстан җитәкчелегенең төбәк башкаласының хәзерге йөзен формалаштыруга керткән зур өлешен билгеләп үтте.

– Мин Уфаны бик яратам, аның матурлануын күрү миңа бик ошый, - диде якташыбыз Эльвира Нәбиуллина.

Фото: "Башинформ"