Ведомствога яңа җитәкче билгеләнде

Русия ФСИН директоры, эчке хезмәт генералы Аркадий Гостев видеоэлемтә режимында Сергей Кудрявцев алдында яңа вазыйфада торган бурычларны билгеләде, шулай ук Башкортстанга ведомство эшенә ярдәм иткән өчен рәхмәт белдерде.

- Шәхси составка ярдәм иткән, ирегеннән мәхрүм ителү урыннарыннан азат ителгән, гаепләнүчегә ярдәм күрсәтү мөмкинлеген күздә тоткан документларны, программа продуктларын кабул иткән өчен рәхмәт белдерәм. Бу чыннан да мөһим, һәм кешеләр моны күрә. Уртак тырышлык һәм нәтиҗәле хезмәттәшлек бергәләп зур нәтиҗәләргә ирешергә ярдәм итәр дип ышанам, - диде Аркадий Гостев.

Башкортстан Башлыгы үз чиратында Җәзаларны үтәтү федераль хезмәте хезмәткәрләренә югары һөнәри осталыклары һәм намуслы хезмәтләре өчен рәхмәт белдерде.

- Сез бик мөһим дәүләт бурычын хәл итәсез. Аларны җәмгыятькә социаль җаваплы гражданнар буларак кайтару өчен канунны бозган кешеләр белән эшлисез. Сүз дә юк, мондый эшчәнлек аерым мөнәсәбәт, үз-үзеңне кулда тоту, сабырлык һәм түземлелек таләп итә, - дип билгеләп үтте Радий Хәбиров.

Республика җитәкчесе Сергей Кудрявцевны билгеләнүе белән котлады һәм хезмәтендә уңышлар теләде.

Фото: glavarb.ru