“Бәхет модада булырга тиеш!”

Президенттан демографиянең начарлануы сәбәпләре турында сорадылар, гәрчә ташламалар, түләүләр һәм башкалар булса да. Шуңа да карамастан, бала тууның кимүе барыбер бар, ә яшь кешеләр финанс иминлеге, карьера үсеше турында күбрәк кызыксына. Яшьләр гаилә корсын өчен яңа ярдәм чаралары булдыру турында да сорау яңгырады.

“Бу мәсьәлә эре икътисадлы барлык илләрне диярлек борчый, һәм кайбер илләрдә хәл, Япония һәм Көньяк Кореядәге кебек үк, драматик рәвештә диярлек бара, - дип билгеләп үтте Путин. - Русиядә туучылар саны кими, әмма үсешне тәэмин итү - бик катлаулы бурыч. Әлбәттә, гаиләләр бала тугач, муллык дәрәҗәсенең кимүен тоярга тиеш түгел. Төрле инструментлар һәм чаралар күп, гаилә ипотекасы өстендә әле эшләргә кирәк булачак. Бу - бик нечкә процесс".

Путин күптән түгел 10 бала әнисе белән очрашуы турында сөйләде. Бу хатын-кыз аңа сабыйларның һәркайсының дөньяга килү тарихын, гаиләнең моңа кадәр яңа әгъзасыннан башка ничек яшәвен аңламавын белдергән. Президентка мондый сүзләр бик нык тәэсир иткән.

«Үтенәм, һәрвакыт бу хакта уйлагыз, моны пропагандаларга кирәк. Күңел халәте һәм гади кеше бәхетен аңлау мөһим", - дип аңлатты Президент, залга мөрәҗәгать итеп.

Ил җитәкчесе күпбалалы булуның модага әверелүен теләде. “Бу кешеләр ана-ата булу шатлыгының нәрсә икәнен аңласын өчен кирәк”, - диде Владимир Путин.