+20 °С
Болытлы
Көнүзәк
3 гыйнвар , 11:38
Инвестицияләр 445 миллиард сумга якын тәшкил итте
2025 елның 9 аенда төбәк инвестицияләр күләме буенча илкүләм рейтингның югары өлешендәге позицияләрен саклап кала алды.
Инвестицияләр 445 миллиард сумга якын тәшкил итте
Республика Русиядә 14нче һәм Идел буе федераль округында 2нче урында тора.
– Бу - система барлыкка китерүче предприятиеләр белән даими эшләү нәтиҗәсе һәм аларның тармак министрлыклары һәм ведомстволары белән берлектә төзелгән икътисади эшчәнлегенә мониторинг ясау, – дип билгеләп үтте Башкортстан Республикасы Хөкүмәте Премьер-министрының беренче урынбасары, икътисади үсеш һәм инвестицион сәясәт министры Рөстәм Моратов.
Гомумбазар проблемаларына карамастан, шәхси инвестицияләр, 1,6% ка үсеп, якынча 400 миллиард сумга җитте. Иң зур үсешне эшкәртү производстволары – 26%ка, кунакханәләр һәм җәмәгать туклануы – 30%ка, шулай ук су белән тәэмин итү өлкәсе күрсәтте. Бәяләр буенча иң зур үсеш эшкәртүдә – 20 миллиард сумга, су белән тәэмин итүдә һәм авыл хуҗалыгында – 1,2 миллиард сумга якын.
Төбәкнең инвестиция портфелендә гомум суммасы 1,3 триллион сум булган 2,5 меңгә якын проект исәпләнә. Шул исәптән, узган чорда преференциаль территорияләр актив үсүен дәвам итте.
Фото: pravitelstvorb.ru
