Быел нәрсәләргә зур игътибар биреләчәк?

Сәламәтлек саклау.
Төп максатларның берсе - төбәктә яшәүчеләрнең гомер озынлыгын арттыру. Быел Әскар һәм Бакалыда яңа поликлиникалар ачылачак, Иглиндә медицина учреждениесе төзелеше башланачак. Районнарда дүрт яңа хатын-кызлар консультациясе эшли башлаячак.

Моннан тыш, УЗИдан алып, компьютер томографларына кадәр 1000 берәмлек медицина техникасы сатып алу планлаштырыла, ә авылларга күбрәк табиблар җәлеп итү өчен «Авыл табибы» программасын көчәйтергә вәгъдә итәләр.

Мәгариф.
Мәктәпләрдә һәм балалар бакчаларында күләмле яңарту дәвам итәчәк: 53 объектка капиталь ремонт ясалачак, ә 879 мәктәптә заманча җайланмалар барлыкка киләчәк.

Балалар бакчаларына йөрү мөмкинлеге йөз процент булып калачак, ә ташламага ия булучылар өчен бушлай туклануны саклап калачаклар.

Мәдәният
Мәдәният өлкәсендә планнар да амбициоз. Уфада циркны реконструкцияләү башланачак, Югары Кыйгы авылында яңа сәнгать мәктәбе төзеләчәк. Районнарда модельле 3 китапханә һәм 8 балалар мәдәни үзәге ачылачак.

Аерым горурлык - «Авыл мәдәният хезмәткәре» программасы. Бу җәһәттән Башкортстан илдә иң зур квота алды. 59 белгеч, районнарга эшкә күчеп, 1 миллион сум акча ала алачак.

Сүз уңаеннан, 2026 ел Башкортстанда "Ишле һәм тату гаилә елы" дип игълан ителде. Бу җәһәттән Радий Хәбиров чаралар планын әзерләргә кушты.