Яңавыл – яңартуда үрнәк ул!

Башкортстан Башлыгы Радий Хәбиров эш сәфәре белән Яңавыл районында булды. Тәүдә төбәк җитәкчесе “Мәдәният” гомумдәүләт проектының “Мәдәни мохит” федераль проекты кысаларында ремонтланган балалар сәнгать мәктәбен карады.

Учреждение 1987 елда төзелгән бинада урнашкан. Анда 26 укытучы эшли, 530 бала фортепиано, тынлы һәм халык уен кораллары, хореография, рәсем сәнгате юнәлешләре буенча белем ала.
Балалар сәнгать мәктәбе 2024 елда, учреждение коллективы 2023 елның декабрендә Радий Хәбировка “туры линия” вакытында мөрәҗәгать иткәннән соң ремонтланган.

Радий Хәбиров оркестр, рәсем сәнгате, баян, сәнгать тарихы, хореография сыйныфларын, шулай ук, тамаша залын карады. Мәктәп директоры Ильяс Тимершин иҗат коллективының казанышлары турында сөйләде.
Укытучылар һәм укучылар белән аралашканда Башкортстан Башлыгы аларга уңышлар һәм яңа иҗади казанышлар теләде.

Арытаба Радий Хәби­ров Яңавыл үзәк район дәваханәсенең яңа балалар поликлиникасы бинасында булды.

Төбәк җитәкчесе дәва­лау учреждениесенең мөм­кин­лекләре белән танышты һәм коллектив белән аралашты. Гомум мәйданы 3,4 мең квадрат метр булган ике катлы корпус сәламәт­лек саклауның беренчел звеносын яңарту программасы буенча төзелгән, ул “Дәвамлы һәм актив тормыш” гомумдәүләт проекты кысаларында гамәлгә ашырыла.

Яңа бина хәвефсезлек һәм медицина ярдәме күрсәтү сыйфаты буенча заманча таләпләргә җавап бирә. Поликлиника сменасына 150 кешене кабул итүгә исәпләнгән. Башкортстан Башлыгы балалар поликлиникасының заманча җиһаз­ланган биналарын карады. Бинада берничә керү төркеме һәм лифт каралган. Эчке планировка тар профильле белгечләр, физиотерапия, массаж, ультратавыш һәм рентгенологик тикшеренүләр кабинетларын, шулай ук лаборатория, ана һәм бала бүлмәсен, балалар уен зонасын үз эченә ала. Килүчеләргә кирәкле кабинетларны тиз табарга уңайлы навигация системасы ярдәм итә.

Радий Хәбиров яңа полик­линиканың мөмкин­лекләрен һәм медицина хез­мәт­­-кәрләренең эш шартларын югары бәяләде. Учреждение белгечләре, үз чиратында, төбәк җитәк­чесенә сәламәтлек саклау­ның беренчел звеносын яңартуда ярдәм өчен рәхмәт белдерде.

Башкортстан Башлыгы Яңавыл районыннан СВО­­­­да һәлак булган яугир­­ләр гаиләләре белән оч­рашты.

Болар – Русия Герое Игорь Насыйбуллин, шулай ук Вик­тор Чернышенко, Зим­фир Хөс­нет­­динов, Роман Галәвет­динов, Артур Тимершин, Марат Әхмәт­җанов, Денис Тимер­җанов, Одилжон Мамадаев, Илсур Хәйдә­ров һәм Руслан Ха­нов­­ның якыннары.
Республика җитәкчесе хәрбиләрнең әти-әниләре һәм якыннарының авыр кайгысын уртаклашты, аларга сугышчыларга хәрби бурыч­ларны үтәгәндә күрсәткән батырлыклары өчен үлгән­нән соң бирелгән генерал М. Шәйморатов орденын тапшырды.

– Егетләр – чын геройлар, алар хәрби бурычларын ахырга кадәр үтәде. Сез алар белән горурлана аласыз. Без сезнең кайгыгызны уртаклашабыз һәм сезнең белән бергә кайгырабыз, – диде Радий Хәби­ров. – Һәм, әлбәттә, сезнең тур­ыда кайгырту – муниципалитет җитәк­че­ләренең турыдан-туры бурычы. Районнарда махсус хәрби операция геройлары хөрмәтенә мемориаллар һәм һәйкәл-ләр ачыла. Иң мөһиме – үзегезне саклагыз. Әгәр сәламәтлек белән проблемалар бар икән, сезне Уфаның иң яхшы медицина учреждениеләре дәвала­нуга кабул итәргә әзер. Бу сорауларның барысын да мин шәхси кон­трольдә тотам.

Һәлак булган сугышчы­ларның туганнары Радий Хәбировка аларның их­тыяҗ­­­­ларына игътибары һәм килеп туган мәсьәләләрне хәл итүдә шәхсән катнашуы өчен рәхмәт белдерде.
Төбәк җитәкчесе, шулай ук, Яшьләр сарае фойесында хәрби хезмәткәр хатыны Арина Шибанова оештырган “Бер гомерлек мәхәббәт” күргәзмәсе бе­л­ән танышты.

Төбәк җитәкчесе анда махсус хәрби операция ихтыяҗлары өчен гуманитар ярдәм җыюда катнашучы волонтерлар һәм мәктәп укучылары белән аралашты. Алар сугышчылар өчен үз куллары белән җитеш­тергән продукцияне һәм “Безнең якташлар – Русия Геройлары” стендын тәкъ­дим итте. Анда Игорь Насыйбуллин һәм Станислав Большаковның фото­графи­я­­­ләре һәм биограф­ия­ләре урнаштырылган бан­­нер эш­лән­гән. Республика Башлыгы мондый башлангыч­ларның мөһим­леген билге­ләде.

Радий Хәбиров Яңа­выл­ны арытаба төзек­ләндерү проекты белән танышты. Агымдагы елда муниципалитет уңай­лы шәһәр мохите булдыру буенча федераль проект­ларда катнашырга план­лаштыра.
Яңавыл Кече шәһәр­ләрдә һәм тарихи җирлек-ләрдә уңайлы шәһәр мохите булдыру буенча Бөтенрусия конкурсында ике тапкыр җиңде. 2020 елда – “Баш­кортстан­ның төньяк капкасы” проекты һәм 2022 елда – “Кече шәһәр мәдәнияте. Яңавыл үзәген активлаштыру” проекты белән.

Яңавыл районының баш архитекторы Ирина Таҗет­динова төбәк җитәкчесенә шәһәрнең төньяк өлешен төзек­ләндерү буенча “Яңа­выл­­ның икенче ягы” дигән яңа проектын тәкъдим итте.
– Без шәһәр халкының тормыш сыйфатын яхшырту һәм туристларны җәлеп итү өстендә актив эшлибез, – диде Ирина Таҗетдинова. – Планда – шәһәрнең төнь-як өлешендә иҗтима­гый киңлекләрне үстерү, яңа ял итү һәм сәламәт­ләндерү зоналары булдыру, шулай ук шәһәрнең уникаль йөзен саклап калу өчен мәдәни һәм тарихи объектларны төзек­ләндерү. Яңа концепция шәһәрнең көньяк һәм төньяк боҗ­расын бердәм “сигезле”гә берләштерергә мөмкинлек бирәчәк, аның үзәге Тимер юл вокзалы һәм җәяүлеләр күпере булачак. 1914 елда Яңа­выл­ның барлыкка килү ноктасы булган тимер юл бүген дә аның йөрәге һәм арытаба үсеш урыны булып кала.
Төбәк җитәкчесе урындагы буаны һәм аңа якын территорияне төзекләндерү зарурлыгын билгеләде.

– Яңавыл безнең беренче “карлыгач” булды. Сез федераль конкурста берен­челәрдән булып катнаштыгыз һәм башка муниципалитетларга юл күрсәттегез, – диде Радий Хәбиров. – Мин сезнең проектны хуп­лыйм. Былтыр бездә биш муниципалитет җиңде, сез­нең дә танылуга бөтен мөмкинлекләрегез бар.