-20 °С
Болытлы
Барлык яңалыклар
Көнүзәк
18 февраль , 19:50
Русия хәрби-тарихи җәмгыяте эшкә йомгак ясады
18 февральдә Башкортстан Иҗтимагый палатасы мәйданчыгында Русия хәрби-тарихи җәмгыятенең (РВИО) республикадагы төбәк бүлеге матбугат конференциясе үткәрде, анда узган елгы эшкә йомгак ясалды, җәмгыятьнең төп казанышлары күрсәтелде.
Русия хәрби-тарихи җәмгыяте эшкә йомгак ясады
Конференциядә бүлек рәисе, Русия Иҗтимагый палатасының Югары белем һәм фәнне үстерү комиссиясе әгъзасы, Башкортстан Иҗтимагый палатасы рәисе урынбасары, тарих фәннәре кандидаты Рамил Рәхимов чыгыш ясады. Ул билгеләп үткәнчә, былтыр җәмгыять составында 226 әгъза исәпләнгән. Хәзер төбәк бүлеге әгъзаларының даими саны арта, җәмгыять әгъзалыгында СВОда катнашучылар һәм Русия Геройлары булуы сөендерә.
Хисап чорының төп казанышы – төбәктә Русия хәрби-тарихи җәмгыяте географиясенең шактый киңәюе. Янә 7 бүлекчә булдырылган, бу урыннарда эшне нәтиҗәлерәк координацияләргә һәм яңа активистларны җәлеп итәргә мөмкинлек бирәчәк.
Гамәлгә ашырылган проектлар һәм казанышлар байтак. Республика Хәрби дан музеенда махсус хәрби операциягә багышланган тематик зал ачылу иң әһәмиятле вакыйгаларның берсе булган. Экспозиция Уфа шәһәре музее белән берлектә Тимур Ильясов җитәкчелегендә булдырылган. Шулай ук республика районнарында СВО музейларын булдыру буенча да актив эш алып барыла. СВОда катнашучыларга багышланган “Башкортстан. Махсус хәрби операция геройлары” китабы дөнья күргән. Бүлекчә рәисе - бу җыентык авторларының берсе.
Төбәкнең вузара кампусында Русия тарихи җәмгыяте, Русия география җәмгыяте һәм «Белем» җәмгыяте тырышлыкларын берләштергән уртак иҗтимагый-мәгърифәтчелек киңлеге булдырылган, анда фәнни конференцияләр һәм эре форум уздырылган.
Бөек Ватан сугышы һәм СВО тематикасы буенча эшләүдән тыш, җәмгыять активистлары уникаль проектлар алып бара. Алар арасында Чакмагыш районында Гражданнар сугышы чорына караучы окоплар урынында фәнни казыну эшләре (Владимир Овсянниковның «Чакмагыш фронты» проекты) бар.
Җәмгыять активистлары Салават, Стәрлетамак, Благовещен шәһәрләренә эш сәфәрләре кылган. Якындагы планнарда урындагы бүлекләргә ярдәм итү һәм яңа экспозицияләр булдыруны контрольдә тоту өчен Туймазы һәм Бөрегә сәфәрләр планлаштырыла.
Бүлекнең эшчәнлеге федераль дәрәҗәдә югары бәя алган: бүлекчә рәисе Русия хәрби-тарихи җәмгыятенең Мактау грамотасы белән бүләкләнгән, ә төбәкнең эше күптән түгел Түбән Новгородта узган киңәшмәдә билгеләп үтелгән.
Матбугат конференциясе азагында Рамил Рәхимов һәм җәмгыятьнең башкарма директоры, тарих фәннәре кандидаты Тимур Ильясов журналистларның сорауларына җавап бирделәр.
Фото: op.bashkortostan.ru
Хисап чорының төп казанышы – төбәктә Русия хәрби-тарихи җәмгыяте географиясенең шактый киңәюе. Янә 7 бүлекчә булдырылган, бу урыннарда эшне нәтиҗәлерәк координацияләргә һәм яңа активистларны җәлеп итәргә мөмкинлек бирәчәк.
Гамәлгә ашырылган проектлар һәм казанышлар байтак. Республика Хәрби дан музеенда махсус хәрби операциягә багышланган тематик зал ачылу иң әһәмиятле вакыйгаларның берсе булган. Экспозиция Уфа шәһәре музее белән берлектә Тимур Ильясов җитәкчелегендә булдырылган. Шулай ук республика районнарында СВО музейларын булдыру буенча да актив эш алып барыла. СВОда катнашучыларга багышланган “Башкортстан. Махсус хәрби операция геройлары” китабы дөнья күргән. Бүлекчә рәисе - бу җыентык авторларының берсе.
Төбәкнең вузара кампусында Русия тарихи җәмгыяте, Русия география җәмгыяте һәм «Белем» җәмгыяте тырышлыкларын берләштергән уртак иҗтимагый-мәгърифәтчелек киңлеге булдырылган, анда фәнни конференцияләр һәм эре форум уздырылган.
Бөек Ватан сугышы һәм СВО тематикасы буенча эшләүдән тыш, җәмгыять активистлары уникаль проектлар алып бара. Алар арасында Чакмагыш районында Гражданнар сугышы чорына караучы окоплар урынында фәнни казыну эшләре (Владимир Овсянниковның «Чакмагыш фронты» проекты) бар.
Җәмгыять активистлары Салават, Стәрлетамак, Благовещен шәһәрләренә эш сәфәрләре кылган. Якындагы планнарда урындагы бүлекләргә ярдәм итү һәм яңа экспозицияләр булдыруны контрольдә тоту өчен Туймазы һәм Бөрегә сәфәрләр планлаштырыла.
Бүлекнең эшчәнлеге федераль дәрәҗәдә югары бәя алган: бүлекчә рәисе Русия хәрби-тарихи җәмгыятенең Мактау грамотасы белән бүләкләнгән, ә төбәкнең эше күптән түгел Түбән Новгородта узган киңәшмәдә билгеләп үтелгән.
Матбугат конференциясе азагында Рамил Рәхимов һәм җәмгыятьнең башкарма директоры, тарих фәннәре кандидаты Тимур Ильясов журналистларның сорауларына җавап бирделәр.
Фото: op.bashkortostan.ru
Новости партнеров