Уфага "Җиңү паровозы" килә

Илнең төп бәйрәме хөрмәтенә поезд составында хәрби техника булган платформалар саны 9 берәмлеккә кадәр арттырыла. Аларда уникаль экспонатлар урнаштырылачак. Алар исәбендә - Советлар Союзына лэнд-лиз кысаларында җибәрелгән автомобиль-амфибия. Бу машина чын хәрби гамәлләрдә катнашкан һәм берничә данәдә генә сакланган. Традиция буенча ретро-состав 1945 елның Җиңү мае стилистикасында рәсмиләштерелгән "Лебедянка" паровозын алып барачак. Эшелон составында "Үлемсез полк" пассажир вагоннары йөриячәк. Паровоз бригадасы Бөек Ватан сугышы чоры формасында булачак.

Бәйрәм кунаклары өчен кыр кухнялары, Георгий тасмалары тарату, раритет ату коралы күргәзмәләре, беренче тапкыр балалар өчен лазертаг оештырылачак. Күргәзмәне шул чор гаскәрләренең барлык төрләрен һәм хәрби форма кигән профессиональ реконструкторлар озата бара. Кунакларга бәйрәм кәефен иҗат коллективлары бүләк итәчәк, алар барысы белән дә яраткан вокаль һәм бию композицияләрен башкарачак.

Теләүчеләр уникаль хәрби экспонатлар белән фотога төшә һәм гамәлдәге паровоз кабинасын карый алачак.

Фото: bashinform.ru