+17 °С
Облачно
Көнүзәк
9 Сентября , 09:00
Башкортстан һәм Абхазия хезмәттәшлекне ныгыта
Бүген Республика йортында Абхазия Президенты Бадра Гунба һәм Башкортстан Башлыгы Радий Хәбировның хакимият органнары җитәкчеләре катнашында киңәйтелгән очрашуы узды. Яклар уртак проектларны гамәлгә ашыру барышы турында фикер алыштылар, шулай ук хезмәттәшлекне алга таба үстерүнең перспектив юнәлешләрен билгеләделәр.
Башкортстан һәм Абхазия хезмәттәшлекне ныгыта
Төбәк җитәкчесе ике яклы мөнәсәбәтләрнең нәтиҗәлелеген югары бәяләде. Бу икътисади һәм социаль күрсәткечләрнең уңай динамикасында чагыла.
– Безнең үзара эш сәфәрләребез Башкортстан белән Абхазия арасындагы элемтәләрне ныгыту өчен бик файдалы. Бүген – Русия белән Абхазия арасында дипломатик мөнәсәбәтләр урнаштыруга 18 ел тулган көндә – сезнең, хөрмәтле Бадра Зурабович, республикабызда булуыгыз символик мәгънәгә ия, – дип ассызыклады Радий Хәбиров. – Бергә эшләгән елларда без җылы эшлекле мөнәсәбәтләр урнаштырдык. Муниципалитетлар һәм хакимиятнең башкарма органнары юнәлеше буенча хезмәттәшлек нәтиҗәле үсә. Башкортстан һәм Абхазия арасында 2030 елга кадәр хезмәттәшлекне киңәйтү буенча Юл картасы гамәлдә. Ике яклы элемтәләрнең төп драйверы – әлбәттә, актив сәүдә-икътисади хезмәттәшлек. Товар әйләнеше дүртенче ел рәттән үсә һәм быелның беренче алты аенда ул 2025 ел күрсәткеченнән артып китте.
Үзара мөнәсәбәтләрне ныгытуга Уфа белән Сухум арасында 2026 елның маенда ачылган туры авиаэлемтә дә ярдәм итә. Радий Хәбиров билгеләп үткәнчә, бу туристлык алмашуын үстерү өчен яхшы мөмкинлек бирә. Тармакның үсеш перспективалары, шулай ук «Башкорт-абхаз озын гомерлелек» программасының дәвамы турында элегрәк Абхазия Президенты һәм Башкортстан Башлыгы очрашуында фикер алыштылар.
Тагын бер башлангыч – Бабушара авылында (Абхазиянең Гурлыпш районы) Башкортстанда яшәүчеләрнең ял итүе һәм тернәкләнүе өчен шифаханә төзү проекты. Проект буенча инде кирәкле документлар әзерләнгән һәм аны республика ярдәме белән гамәлгә ашырырга планлаштыралар.
Абхазия делегациясенең Уфага сәфәре кысаларында вузара кампусның Геном үзәге базасында төбәк эшкуарлары вәкилләре белән очрашу булды. Эшкуарлар төрле юнәлешләр буенча хезмәттәшлек итәргә теләк белдерделәр.
Башкортстан Башлыгы шулай ук чит ил партнерларына төбәкнең уку йортлары базасында туризм өлкәсендә белгечләр әзерләү мөмкинлеген карарга тәкъдим итте.
Абхазия Президенты Башкортстанның идарә итү командасына ике яклы мөнәсәбәтләрне ныгытуга керткән зур өлеше өчен рәхмәт белдерде.
– Русия Федерациясе белән багланышлар – ил үсешенең өстенлекле юнәлеше. Монда төбәкләр белән хезмәттәшлек аерым урын алып тора, – диде Бадра Гунба. – Башкортстан күп дистә еллар дәвамында Абхазия халкына ярдәм итте. Һәм бүген безнең ныклы дуслыгыбыз икътисадта, мәгарифтә, мәдәнияттә системалы эшне җайга салырга ярдәм итә.
Абхазия Президенты хәбәр иткәнчә, 2025 ел йомгаклары буенча Башкортстан белән товар әйләнеше 15 тапкырга арткан. Ул шулай ук Абхазия туризм тармагы вәкилләренең Башкортстанга килү һәм киләчәктә үз халкына төбәк мөмкинлекләре турында сөйләү белән кызыксынуын билгеләп үтте.
Абхазия Президенты шулай ук республика делегациясен 30 сентябрьдә билгеләп үтеләчәк Җиңү һәм бәйсезлек көненә багышланган тантаналы чараларда катнашырга чакырды.
– Башкортстан белән багланышларның бүгенге дәрәҗәсен моңарчы күрелмәгән дип атарга мөмкин. Без барлык өлкәләрдә дә мөнәсәбәтләр үсешенең бик яхшы динамикасын күрәбез, – дип ассызыклады Бадра Гунба журналистлар белән әңгәмәдә. – Бу Башкортстан җитәкчелеге һәм шәхсән Радий Хәбировның тырышлыгы белән барлыкка килгән яңа мөмкинлекләр. Без мондый җитди караш өчен бик рәхмәтле.
Төбәк башлыгы Абхазия белән багланышларның югары потенциалын һәм киләчәктә халык мәнфәгатьләрендә уртак эшнең мөһимлеген билгеләп үтте.
– Безнең туганлык мөнәсәбәтләре тарихы озын һәм якты. Шул ук вакытта хезмәттәшлекне үстерү мөмкинлекләре әле бетмәгән. Монда Абхазиянең уникаль географик үзенчәлекләрен туризм күзлегеннән исәпкә алу мөһим, ул икътисад үсешенең мөһим ноктасы булып кала бирә. Без бу илне Башкортстанда яшәүчеләргә киңрәк таныту мөмкинлекләре турында фикер алышабыз. Ә безнең базар чит ил партнерларына авыл хуҗалыгы продукциясе белән тәэмин итү күләмен арттыру өчен яхшы перспективалар бирә, – диде Радий Хәбиров. – Күп юнәлешләр буенча без әлегә перспективаларны өйрәнү этабында. Шул ук вакытта күрсәткечләрнең үсүе үзара хезмәттәшлекне үстерүнең ике як өчен дә файдалы булачагын әйтергә мөмкинлек бирә.
Фото: glavarb.ru
– Безнең үзара эш сәфәрләребез Башкортстан белән Абхазия арасындагы элемтәләрне ныгыту өчен бик файдалы. Бүген – Русия белән Абхазия арасында дипломатик мөнәсәбәтләр урнаштыруга 18 ел тулган көндә – сезнең, хөрмәтле Бадра Зурабович, республикабызда булуыгыз символик мәгънәгә ия, – дип ассызыклады Радий Хәбиров. – Бергә эшләгән елларда без җылы эшлекле мөнәсәбәтләр урнаштырдык. Муниципалитетлар һәм хакимиятнең башкарма органнары юнәлеше буенча хезмәттәшлек нәтиҗәле үсә. Башкортстан һәм Абхазия арасында 2030 елга кадәр хезмәттәшлекне киңәйтү буенча Юл картасы гамәлдә. Ике яклы элемтәләрнең төп драйверы – әлбәттә, актив сәүдә-икътисади хезмәттәшлек. Товар әйләнеше дүртенче ел рәттән үсә һәм быелның беренче алты аенда ул 2025 ел күрсәткеченнән артып китте.
Үзара мөнәсәбәтләрне ныгытуга Уфа белән Сухум арасында 2026 елның маенда ачылган туры авиаэлемтә дә ярдәм итә. Радий Хәбиров билгеләп үткәнчә, бу туристлык алмашуын үстерү өчен яхшы мөмкинлек бирә. Тармакның үсеш перспективалары, шулай ук «Башкорт-абхаз озын гомерлелек» программасының дәвамы турында элегрәк Абхазия Президенты һәм Башкортстан Башлыгы очрашуында фикер алыштылар.
Тагын бер башлангыч – Бабушара авылында (Абхазиянең Гурлыпш районы) Башкортстанда яшәүчеләрнең ял итүе һәм тернәкләнүе өчен шифаханә төзү проекты. Проект буенча инде кирәкле документлар әзерләнгән һәм аны республика ярдәме белән гамәлгә ашырырга планлаштыралар.
Абхазия делегациясенең Уфага сәфәре кысаларында вузара кампусның Геном үзәге базасында төбәк эшкуарлары вәкилләре белән очрашу булды. Эшкуарлар төрле юнәлешләр буенча хезмәттәшлек итәргә теләк белдерделәр.
Башкортстан Башлыгы шулай ук чит ил партнерларына төбәкнең уку йортлары базасында туризм өлкәсендә белгечләр әзерләү мөмкинлеген карарга тәкъдим итте.
Абхазия Президенты Башкортстанның идарә итү командасына ике яклы мөнәсәбәтләрне ныгытуга керткән зур өлеше өчен рәхмәт белдерде.
– Русия Федерациясе белән багланышлар – ил үсешенең өстенлекле юнәлеше. Монда төбәкләр белән хезмәттәшлек аерым урын алып тора, – диде Бадра Гунба. – Башкортстан күп дистә еллар дәвамында Абхазия халкына ярдәм итте. Һәм бүген безнең ныклы дуслыгыбыз икътисадта, мәгарифтә, мәдәнияттә системалы эшне җайга салырга ярдәм итә.
Абхазия Президенты хәбәр иткәнчә, 2025 ел йомгаклары буенча Башкортстан белән товар әйләнеше 15 тапкырга арткан. Ул шулай ук Абхазия туризм тармагы вәкилләренең Башкортстанга килү һәм киләчәктә үз халкына төбәк мөмкинлекләре турында сөйләү белән кызыксынуын билгеләп үтте.
Абхазия Президенты шулай ук республика делегациясен 30 сентябрьдә билгеләп үтеләчәк Җиңү һәм бәйсезлек көненә багышланган тантаналы чараларда катнашырга чакырды.
– Башкортстан белән багланышларның бүгенге дәрәҗәсен моңарчы күрелмәгән дип атарга мөмкин. Без барлык өлкәләрдә дә мөнәсәбәтләр үсешенең бик яхшы динамикасын күрәбез, – дип ассызыклады Бадра Гунба журналистлар белән әңгәмәдә. – Бу Башкортстан җитәкчелеге һәм шәхсән Радий Хәбировның тырышлыгы белән барлыкка килгән яңа мөмкинлекләр. Без мондый җитди караш өчен бик рәхмәтле.
Төбәк башлыгы Абхазия белән багланышларның югары потенциалын һәм киләчәктә халык мәнфәгатьләрендә уртак эшнең мөһимлеген билгеләп үтте.
– Безнең туганлык мөнәсәбәтләре тарихы озын һәм якты. Шул ук вакытта хезмәттәшлекне үстерү мөмкинлекләре әле бетмәгән. Монда Абхазиянең уникаль географик үзенчәлекләрен туризм күзлегеннән исәпкә алу мөһим, ул икътисад үсешенең мөһим ноктасы булып кала бирә. Без бу илне Башкортстанда яшәүчеләргә киңрәк таныту мөмкинлекләре турында фикер алышабыз. Ә безнең базар чит ил партнерларына авыл хуҗалыгы продукциясе белән тәэмин итү күләмен арттыру өчен яхшы перспективалар бирә, – диде Радий Хәбиров. – Күп юнәлешләр буенча без әлегә перспективаларны өйрәнү этабында. Шул ук вакытта күрсәткечләрнең үсүе үзара хезмәттәшлекне үстерүнең ике як өчен дә файдалы булачагын әйтергә мөмкинлек бирә.
Фото: glavarb.ru
