-8 °С
Болытлы
Гәзиткә язылуVKOKTelegramЯRus
Барлык яңалыклар
Календарьда бу көн
9 гыйнвар 2016, 02:00

6 гыйнвар. Табигый оҗмах ул

6 гыйнварда “Шүлгәнташ” тыюлыгы оештырылуга 30 ел тулды. Ул республиканың Бөрҗән районы территориясендә урнашкан. Аның тарихи әһәмияте шунда — биредә Шүлгәнташ мәгарәсе урнашкан. Заллар галереясенең гомум озынлыгы өч мең метрга җитә. Урман төрлелеге белән аерылып тора. Ылыслы һәм яфраклы агач һәм куаклар тыюлыкның хайваннар дөньясы тормышына уңай йогынты ясый. 800дән артык үсемлекнең 120се — сирәк очрый торган яки бөтенләй югалып баручылар исемлегендә. Аларның күбесе Русиянең “Кызыл китабы”на кертелгән. Биредә шулай ук кошларның — 208, балыкларның — 30, күбәләкләрнең 378 төре һәм башка бик күп төрдәге хайван һәм җәнлекләр теркәлгән. Әлбәттә, Шүлгәнташ — табигый шартларда яшәүче кыргый бал кортлары төбәге. 1995 елдан башлап тыюлыкта музей-экскурсия комплексы эшли.

Башкортстандагы табигый оҗмахка беренче булып 1911 елда Мәскәү университеты профессоры Г. Кожевников игътибар итә һәм Русиядә тыюлыклар оештырырга кирәк дигән фикер белдерә. 1928 елда СССР Фәннәр академиясе әлеге галим җитәкчелегендә Бөрҗән төбәгенә экспедиция оештыра. Алар урындагы чолыкчылык проблемаларын өйрәнә һәм чиста “башкорт” токымлы бал кортларының үзәге шушы районның Собхангол, Галиәкбәр, Гаделгәрәй һәм Монасыйп авыллары янәшәсендә булуын ачыклыйлар. Экспедцияләр дәвам итә һәм алар дәүләт тыюлыгы ачарга этәргеч бирә.
Читайте нас в