+14 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
4 февраль 2016, 02:00

5 февраль. Иттән туйсаң, Грециягә бар!

Һәр елның февралендә Грециядә “апокриес” дип атал­ган өч атналык карнавал – грек май чабуы (масленица) үтә. Мәгънәсе белән бу сүз “итсез” дигәнгә туры килә, чөнки нәкъ шушы чорда крестьяннарның ит запаслары бетә торган була. Бәйрәм көннәрендә, кешеләр төрле битлекләр киеп, урамнардан йөри, көпчәкле арбаларга җигелгән атлар парады уза.

Апокриесның иң югары ноктасы булып пәнҗешәм­бе – Цикнопемти исәпләнә. Бу көнне греклар туйганчы кыздырылган ит ашый, чөнки моннан соң Бөек Пост башланып, итле ризыклардан тыелып торырга туры килә. Шуңа күрә һәммәсе дә “Хуш, ит!” дип кыч­кы­рырг­а тиеш.

Грек авылларында бу көнне дуңгыз суеп, аның күкрәгенә тәре уеп, шунда өч күмер салып кыздыралар һәм бергәләп ашыйлар. Барысы да бер-берсенә бәхет тели, балалар пешкән бавыр белән сыйлана. Халык күңелле такмаклар (хәтта оятсызларын да!) җырлап, төрле театр тамашалары куя. Бөтен җирдә шатлык рухы хакимлек итә. Бәйрәм яр­лы халыкның кайгыларын, тормыш мә­шәкатьләрен оныттыра. Иң кызыгы шунда: ирләр карнавалда – хатын-кыз булып, гүзәл затлар ир-егет булып киенә. Балалар юл өстендә зур учаклар яга. Аннары һәммәсе дә бергәләшеп шәһәр, авыл урамнарын урый­лар. Элек бу көннәрдә күпләп шә­раб эчелгән, җенси тотанаксызлык күре­неше булган оргия­ләр узган. Әйткән­дәй, “вакханалия” сүзе шуннан калган.

Бәйрәм Чиста Дү­шәмбе – кырык көн­лек Бөек Пост башланган көнне тәмам­лана. Әйткәндәй, христиан дине апокриес үткә­рүне хупламый, чөнки бәй-рәм тамырлары белән мәҗү­силеккә барып тоташа.
Читайте нас: