-14 °С
Болытлы
Гәзиткә язылуVKOKTelegramЯRus
Барлык яңалыклар
Календарьда бу көн
17 март 2016, 02:00

Най Кхан Том мирасы онытылмый

Һәр халыкның милли спорт төре бар. Көнчыгыш Азия халыклары бергә-бер алыш сәнгатен аеруча үз итә. 17 мартта Таиландта тай боксы Муай Тай көне билгеләнә. Бу датаның үз тарихы бар.

Тарихта басып алулар, канкоешлы сугышлар күп бул­ган. 1767 елда Бирма Сиам­ның борынгы башкаласы, бүгенге көндә Таиланд терри­тория­сендә урнашкан Аютайя шәһә­рен басып ал­ган. Муай Тай алымнарын оста белүче Най Кхан Том да әсир­леккә төшкән. Патша аның осталыгын сынап карарга теләгән һәм алыш оештырган. Най Кхан Том дошман гаскәренең иң көчле ба-һадиры белән алышкан һәм беренче секундта ук җиңүгә ирешкән. Гаҗәплән­гән патша бер шарт куйган. Әгәр дә Най ун бирмалыны җиңсә, аны иреккә җибә­рә­чәкләр. Най Кхан Том бер-бер артлы ун көрәшчене җи­ңеп, туган иленә батыр булып кайткан. Шул чордан бирле 17 мартта Най Кхан Томга һәм тай боксына хөрмәт йөзеннән бәй­рәм чаралары оештырыла. Бу көнне алышлар үтә. Аютайяда тай боксы фестивале бик күп турист­ларны җәлеп итә.

Әйткәндәй, тай боксы – ул урам сугышына, кагый­дәсез сугышка якын торучы спорт төре. Алыш вакытында хәтта тез, терсәк белән дә һөҗүм итәргә ярый. Муай Тай “ирекле алыш” дигән мәгънәне аңла­та. Шул ук вакытта, беренче карашка кырыс тоелган бу спорт төре Таиланд халкының тарихы­ның, мәдә­ния­тенең аерылгысыз өлеше санала. Көн­дәш­ләрнең алыш башланганчы милли көйгә “вай кру” биюен башкаруы да шул хакта сөйли.

Муй Тай белән Таиландта 120 мең һәвәскәр һәм 10 мең һөнәри спортчы шөгыльләнә. Хәрбиләр һәм полиция хез­мәт­кәрләре исәпкә алынмый. Чөнки тай боксы алар­ның физик әзерлек программасына болай да кертелгән. Тай боксы дөньяның күпче-лек илләрендә, шул исәптән Русиядә һәм аның төбәк­ләрендә дә киң таралган.
Читайте нас в