+17 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
19 март 2016, 02:00

Кеше хокукларын бозу – җинаять

Халыкара раса дискриминациясенә каршы көрәш көне БМОның Генераль Ассамблеясенең 1966 елның 26 октябрендә үткән XXI сессиясе карары балән ел саен 21 мартта билгеләнә.

Бу көнне 1960 елда Шарпавиль шәһәрендә (Көньяк Африка) полиция илдә африкалыларны мотлак паспортлаштыру турындагы апартеид законына каршы тынычлык демонстрациясенә чыккан 69 кешене атып үтерә.

1966 елда бу көнне игълан итеп, БМО халыкара җәмәгать­челекне раса дискриминациясенең барлык формаларына каршы көрәш игълан итәргә чакыра. Шул рәвешле, раса дискрими­нациясенең кеше хокукларын бозу икәнен раслый. Берләшкән Милләтләр Оешмасы дискриминация икътисади һәм социаль үсешкә, шулай ук халыкара хезмәттәшлеккә һәм тынычлыкка җитди комачаулык тудыруын таный. БМО раса дискриминациясе белән бәйле һәртөр­ле сәясәткә дә кискен каршы чыга. Оешма дәүләтләрне “Барлык төр раса дискриминациясен бетерү турында”гы декларациясен үтәргә, бу кешелеккә каршы җинаять белән каршы көрәшергә чакыра.
Читайте нас: