-14 °С
Болытлы
Гәзиткә язылуVKOKTelegramЯRus
Барлык яңалыклар
Календарьда бу көн
31 март 2016, 02:00

Кошлар кайта туган якларга

Ел саен 1 апрельдә Халыкара кошлар көне үткәрелә. Русиядә XVIII гасырдан ук кошларны юк итү һәм аларның ояларын җимерү җинаять булып саналган.

1894 елда АКШта 1 апрель Кошлар көне дип игълан ите­лә. 1906 елда шул көнне кошларны саклау буенча халыкара конвенция кабул ителә. Мәскәүдә бу бәйрәм 1927 елда билгеләнә башлый, ә 1928 елда илебезнең бөтен почмакларында да үткәрелә.

Бу көнне җылы яклардан очып кайтучы кошларга ярдәм күрсәтелә, Кызыл китапка кертелгән кошларны яклау оештырыла, чөнки күп кошларга браконьерлар һөҗүм иткән. Ә ерткыч кошлар зыян китерүче булып саналган, шу­ңа алар да юк ителгән. Ләкин канатлы дусларыбыз зарарлы бөҗәкләрне юк итә. Мәсәлән, бер песнәк көненә – 500-600 корткычны, тукран меңгә якын бөҗәк чүпли. Ә ерткыч кошлар табигатьтә санитар ролен башкара. Киме­рүчеләр белән тукланып, авыл хуҗалыгына зур ярдәм күр­сәтә. Сайрар кошлар кеше­ләрне моңнары белән дәртләндерә.

Яз җитү белән җылы яклардан күчмә кошлар әйләнеп кайта. Ата-бабадан килгән файдалы эш – сыерчык оясы ясап кую – кешеләргә сөенеч китерә. Кемнәр­дер бу изге эш белән шө­гыль­ләнсә, икенче­ләр кошлар турында шигырь яза, җыр өй­рәнә, сурәт тө­шерә. Олы бәйрәмгә, язгы тантанага барысы да әзер.

Безнең мәктәп укучылары да бу күңелле бәйрәмгә ел саен кушыла. Быел 1-2нче сыйныф укучылары шигырь­ләр ятлады, ә 3-4нче сыйныфлар кәгазьдән сыерчык оялары проектлары эшләде һәм, аларны яклап, укучылар кошлар­ның табигатькә файдасы турында сөйләде. Әтиләре, абыйлары ярдәмендә 25 укучы, сыерчык оялары ясап, агач башларына элделәр. Хәзер инде сыер­чыкларга бала чыгару өчен оя сайлыйсы гына калды. Рәхим итегез, кошкайларым!

Динар МӘҖИТОВ,
Иске Туймазы мәктәбенең 5нче сыйныф укучысы.
Читайте нас в