+22 °С
Яңгыр
Гәзиткә язылуVKOKTelegram
Барлык яңалыклар
Календарьда бу көн
2 апрель 2016, 02:00

Кесә телефоны күсәк кадәр булган!

Кесә телефонын өйдә калдырсаң, дөнья агышы туктап калгандай тоела. Әйтерсең лә, иң кирәкле, мөһим шалтыратулар нәкъ менә шушы сәгатьтә булырга тиеш. Еллар буе аралашмаган туганнар хәбәр бирәчәк, хәл ителмәгән мәсьәләләр чишеләчәк кебек. Ә машина ватылса? Ә юлда чирләп китсәң? Ә эшкә барганда тыгынга эләксәң? Менә шунда аңлыйсың инде кесә телефонының кадерен...

Элек мондый телефонсыз ничек яшәвебезне хәзер күз алдына китерү дә авыр. Ә ул чаклар әллә ни ерак та түгел. Үзең белән йөртерлек кәрәзле элемтә телефонының ата-бабасы булган “Motorola DynaTAC” 1973 елда чыгарылган. Шул елның 3 апрелендә бу телефонны уйлап табучы Мартин Купер беренче шалтырату ясаган. “DynaTAC”ның авырлыгы 1 килограмм 15 грамм тәшкил иткән. Алгы панелендә 10 цифрлы клавиша, чакыру һәм сөйләшүне туктату төймәләре булган. Дисплее булмаган. Кулланылмаганда телефон — сигез, ә сөйләшү режимында бер сәгатьтән дә аз эшләгән. Ә бүгенге телефоннар зарядка алмыйча атналар буе эшли, йөзәрләгән функциясе бар. Алар ел саен диярлек камилләшеп тора. Киләчәктә, хәтта 5 елдан аларның ни дәрәҗәдә үсеш алачагын күз алдына да китереп булмый.
Читайте нас: