+21 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
7 апрель 2016, 02:00

Пасха – Олы көн

Христиан дөньясында иң зур бәйрәм булып Пасха (Олы көн) исәпләнә. Католик Пасха быел 8 апрельгә туры килә. Бәйрәмнең аталышы тамырлары белән борынгы яһүд телендәге “песах” сүзенә барып тоташа. Яһүдләр аны Израильнең Мисыр коллыгыннан азатлыкка ирешү көне буларак билгеләгән.

Христианнар өчен Пасха – Гайса пәйгамбәрнең яңадан тууын бәйрәм итү. Шушы көнне Бөек Пост – христианнарның Гайса пәйгамбәр кичергән михнәтләрне искә алып ач торуы тәмамлана.

Бу көнне католиклар, иртәнге гыйба­дәттән соң изге теләкләр әйтеп, җырлап-биеп өйдән-өйгә йөри. Балалар буялган йомыркалар белән уйный: бер-берсенә ыргыта, таудан тәгәрәтә, вата. Туган-тумача аларны бер-берсенә, дус-ишләренә бүләк итә. Йомырка биредә туклык һәм яңа тормыш башлану символы булып килә. Католиклар өчен бәйрәм табынына пешерелгән куян кую – төп шарт.

Пасха – язгы табигать, тереклек уяну бәйрәме. Христианнар өчен Гайса пәйгам­бәрнең яңадан тууы табигатьнең кыштан “терелүен” аңлата.
Читайте нас: