Барлык яңалыклар
Календарьда бу көн
28 апрель 2016, 02:00

Бәйрәм белән, депутатлар!

27 апрельдә илебездә Русия парламентаризмы көне билгеләп үтелә. 1906 елда беренче Дәүләт думасы, хакимиятнең закон чыгару вәкаләтләре бирелгән вәкиллекле органы, үзенең эшен башлап җибәргән. Шул вакыттан бирле парламентаризм Русия дәүләтчелеге үсешенең мөһим факторына әверелде, илебездә сәяси һәм иҗтимагый мөнәсәбәтләр системасын булдыруга зур йогынты ясады.

Русия Дәүләт думасы — Русия Федерациясе Федераль җыелышының түбән палатасы. Аның хокукый статусы Русия Федерациясе Консти­ту­циясенең бишенче статьясында билгеләнә.

Дәүләт думасы 450 депутаттан тора. Депутат булып 21 яшькә җиткән, сайлауларда катнашу хокукына ия һәр русияле сайлана ала. 2007 елдан башлап, Дума депутатлары пропорциональ система, ягъни фиркаләр исемлеге буенча сайлана. Дәүләт думасына сайлаулар 1993, 1995, 1999, 2003, 2007 һәм 2011 елларда үткәрелде.

Вәкиллекле халык хакимияте – демокра­тиянең төп нигезе һәм хакимиятләр бүленеше принцибын гамәлгә ашыруның төп шарты. Нәкъ менә парламент – дәүләт хакимиятенең закон чыгару органы – гражданлык җәмгыя­тенең башлангыч нигезен тәшкил итүче төрле катлам­нар­ның, иҗтимагый оешмаларның һәм сәяси пар­тияләрнең мәнфәгать­ләрен чагылдыра. Граж­дан­нарның тормыш-көн­күрешен яхшырту бурычын хәл итү Русия Кон­ституция-сендә каралган нормаларны һәм законнарны тайпылышсыз үтәүгә, хакимиятнең вәкил­лекле, башкарма орган­нарының һәм урындагы үзи-дарәләрнең нәтиҗәле һәм уртак эшенә, җәм­гыятьтәге сәламәт көчләрне бергә туплауга бәй­ле. Бүген илебездә парламентаризм тра­диция­ләре, хаки­миятнең вәкиллекле институтларындагы югары профессиональлек һәм җаваплылык, закон чыгаручыларның дәүләт хакимияте һәм идарәсе органнары белән конструктив хезмәттәшлеге турында зур ышаныч белән әйтергә мөмкин.

1990 елның 11 октябрендә, Дәүләт мөстә-кыйль­­леге турында декларация кабул ител­гәннән соң, Башкортстанның социаль-икътисади тормышында җитди уңай үзгәрешләр булды. Бүген Башкортстан — Русия Федерациясенең һәрь­яклап алга киткән субъектларының берсе. Республика ил үсешенә зур өлеш кертә. Русиянең күпмилләтле һәм федератив дәүләт буларак аякка басуында Башкортстан этәргеч көчләрнең берсенә әверелде.

Башкортстан халык хакимияте принциплары буенча эш итә, демократик үзгәрешләр юлыннан бара, социаль-икътисади нәтиҗәләргә ирешергә омтыла. Республика Дәүләт җыелышы-Корылтай эшчәнлегенең төп принциплары хәбәр­дарлык, сайлаучылар һәм гражданнар җәм­гыяте институтлары белән үзара тыгыз бәйләнештән гыйбарәт.

Башкортстан парламентаризмының ике дистә елдан артык тарихы бар. Дәүләт җыелышы-Корылтай республика һәм федераль законнар чыгуда зур роль уйный. Парламент Башкортстан Башлыгы, башка дәүләт органнары һәм идарә структуралары белән бергә республика законнарын эшләү буенча җаваплы эш алып бара, төп социаль-икътисади реформалар “локомотивы” булып тора. Башкортстан парламенты эшчәнлегенең төп максаты – конфессияләр арасындагы татулыкка һәм милләтләр арасындагы дуслыкка нигезләнгән заманча җәмгыять төзү, законнарны системалы көйләү, икътисадны инновацион үстерү һәм яңа сыйфатлы социаль сәясәт булдыру. Башкортстан закон чыгару­чыларының төрле яклап уйланылган фикерләре җәм­гыять­тә тотрыклылык булдыруга, татулыкны ныгытуга хезмәт итә.
Читайте нас в