+9 °С
Болытлы
Гәзиткә язылуVKOKTelegram
Барлык яңалыклар

Безнең эшебез хак!

“1941-45 еллардагы Бөек Ватан сугышында Германияне җиңгән өчен” медале Җиңү бәйрәме уңаеннан 1945 елның 9 маенда, СССР Югары Советы Президиумы указы белән булдырыла. Медаль­нең авторлары – рәссам­нар Е. М. Романов һәм И. К. Андрианов.

Аның белән Бөек Ватан сугышында катнашкан барлык хәрбиләребез бүләк­ләнгән. Медаль җиздән коелган, диаметры – 32 мм. Алгы ягына И. Сталин профиле төшерелгән, өске өлешенә “Безнең эшебез хак” дип язылган. Түгәрәкнең аскы өлешендә “Без җиңдек” дигән язу бар. Медальнең арткы ягында әйләнә буйлап – “Германияне җиңгән өчен”, уртада “1941-45 еллардагы Бөек Ватан сугышында” дип язылган. Кеч­кенә балдак ярдәмендә медаль бишпочмаклы колодкага берке­телгән. Колодка 24 мм киңлектәге ефәк тасма белән уралган. Тасмада бертигез киң­лектәге биш буй бар. Аларның өчесе – кара, икесе кызгылт-сары төстә.
Читайте нас: