+26 °С
Болытлы
Гәзиткә язылуVKOKTelegram
Барлык яңалыклар

Китаплар кайда саклана?

Республикада чыккан гәзитләр редакцияләрдә генә саклана, дип уйлый күрмәгез тагы. Һәр басылган гәзит, журнал, китап хакында белү өчен Уфа шәһәренең Октябрь проспектындагы 129нчы йортта урнашкан “Китап палатасы”на барырга кирәк. Менә кайда хәзинә! Биредә фәнни-библиографик, статистика үзәгендә — республикада нәшер ителгән барлык басма документлар саклана. Китап палатасы Башкортстан халыклары мәдәни мирасының аеруча кыйммәтле объектлары исәбенә керә.

Бүген матбугат архивы фондларында урыс, башкорт, татар, чуваш, мари, удмурт һәм башка телләрдә 1,9 миллион берәмлек басма документ, шул исәптән 70 мең китап һәм брошюра, авторефератлар турында мәгълүмат саклана. Хәтта 300 ел элек дөнья күргән басма әсәрләр дә бар монда! Ноталы басмалар, карталар, афишалар, лозунглар, сайлау кампанияләре материаллары, чакыру билетлары һәм башкалар да шунда ук. Кыскасы, Башкортстан матбугаты үсеше һәм төбәк тарихы белән танышасыгыз килсә, Китап палатасына рәхим итегез!
Читайте нас: