+29 °С
Болытлы
Гәзиткә язылуVKOKTelegram
Барлык яңалыклар

Тарихы арбалы аттан башлана

1910 елның 29 маенда Николай II указы белән Санкт-Петербургта Русиядәге иң беренче автомобиль ротасы оештырыла. 2000 елның 24 февралендә Русия Федерациясе оборона министры приказы белән шушы көнне хәрби автомобильчеләр һөнәри бәйрәмнәрен билгели.

Мәгълүм булуынча, баштарак Кораллы Көчләрдә төп транспорт арбалы ат саналган. Русия армия­сендә автомобиль техникасы беренче Бөтендөнья сугышында сынала. Ул чордагы транспорт чаралары аз санлы, камил булмаса да, игътибарны җәлеп итә. Арытаба, армиядә автомобильләр даими кулланыла башлый.

Автомобиль роталары Бөек Ватан сугышында да сынатмый. Әйтик, 1941-43 елларда Ленинград блокадада кала. Автомо­бильләр Ладога күле аша шәһәргә көндәлек кирәк-ярак, азык-төлек ташый. Боз аша салынган юл “гомер юлы”, “үлем юлы” дип тә йөртелә. Хәрби автомобиль­челәрнең батырлыгы, тырышлыгы нәтиҗәсендә бик күп кешеләрнең гомере саклап калына.

Бүгенге көндә Кораллы Көчләрне автомобильләрдән башка күз алдына китерү кыен. Ил иминлеге авторотада хезмәт итүчеләрнең уяулыгына, батырлыгына нык бәйле.
Читайте нас: