+1 °С
Болытлы
VKOKTelegramБөек Җиңүгә - 80 ел
Барлык яңалыклар
10
Календарьда бу көн
18 июнь 2016, 02:00

Юк, йоклама, егет, йоклама...

20 июньдә англосакс халыкларында Лита көне билгеләнә. Бу сүз “елның иң озын көне” дип тәрҗемә ителә. Аңлашылуынча, әлеге бәйрәм аерылгысыз рәвештә кояш, ут культы белән бәйле. Мәсәлән, Шотландиядә бу көнне тәгәрмәчләргә салам урыйлар, аннары, ут төртеп, тау-калкулыклардан тәгәрәтәләр. Ялкын тигез җиргә төшеп җиткәнче сүнмәсә, көзге уңыш мул булачак дип исәпләнелгән. Игътибар итегез, шундый ук йола татар халкында да яши. Дөрес, аның магик эчтәлеге югалган инде.

Кельт халыкларында бу төнне бер мизгелгә генә абага чәчәк ата дип исәпләнгән. Шуңа күрә кыю егетләр әлеге чәчәкне күреп, орлыкларын җыю өчен җиде төн уртасында урманга юнәлгәннәр. Бу бик куркыныч эш булып саналган, чөнки абаганы явыз көчләр сихере саклап торган. Әйткән­дәй, абага чәчәге — татарлар өчен дә тылсым чыганагы. Гадел Кутуйның “Рөстәм маҗаралары” повестен укыган кешеләр моны яхшы аңлар.

Йорт-кураны явыз көчләрдән саклар өчен шотландлар ишек өстенә каен ботаклары элгәннәр. Шушы төнне егетләр һәм кызлар бер-берсенә тугрылыкта вәгъдә алмашканнар. Аны бозу зур гөнаһ саналган. Әлегә кадәр Британ утрауларында, нигездә, шушы көнне никахлашалар.
Читайте нас: