Барлык яңалыклар
Календарьда бу көн
23 июнь 2016, 02:00

Иң беренче такси ... иномарка булган

Бүген Мәскәүдә таксидан башка тиешле урынга барып җитү шактый авыр. Халык аз яшәгәндә, урамнарда транспорт хәрәкәте аз булганда да мәскәүлеләр такси хезмәтен үз иткән. Мәскәүдә иң беренче такси 1925 елның 21 июнендә йөри башлаган. Беренче такси машиналары “Рено”, “Форд” һәм “Фиат”лар булган.

Илебездә автомобильләр җитештерелә башлагач, Мәскәү урамнарын “ГАЗ-А” һәм “М-1”(“эмка”) такси машиналары иңли башлаган. Шәһәр халкы белән бергә такси хезмәтенә дә ихтыяҗ арткан. Мәскәүдә 1935 елда — 500, 1939 елда — 3000нән артык такси машиналары исәпләнгән. 1940-50 елларда совет таксилары сары “бүрек” кигән һәм яшел ут белән җиһазландырылган. 1960 елда “Волга” башкалабыздагы төп такси машинасы саналган.
Читайте нас в