+22 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
25 июнь 2016, 02:00

Эштән киттеңме? Судка рәхим ит!

75 ел элек СССРда сигез сәгатьлек эш көне, җиде көнлек эш атнасы һәм эштән үз теләгең белән киткән өчен җинаять җәзасы кертелә.

1936 елның мартында ВКП(б)ның XVIII съезды җан башына продукция җитештерү буенча капиталистик илләрне узып китәргә дигән карар кабул итә. Съездда өченче бишьеллык (1938-1942 еллар) планы карала һәм раслана. Байтак предприятиеләр сафка кертелә, халыкның активлыгын күтәрүгә шактый игътибар бүленә.

1940 елның 26 июнендә — СССР Югары Сове­тының “Сигез сәгатьлек эш көненә, җиде көнлек эш атнасына күчү һәм үз теләгең белән эштән ки­түне тыю турында”, 17 июльдә “Машина-трактор станцияләрендә эшләүче тракторчыларның һәм комбайнчыларның үз теләге белән эштән китүен тыю турында” Указлары дөнья күрә. Аларга ярашлы, үз теләге белән эштән китүчеләр һәм икенче пред­приятиегә эшкә күчүчеләр хөкем ителә һәм 2-4 айга төрмәгә ябыла ала. Җитди сәбәпсез эшкә килмәгән эшчеләр, хезмәт хакының 25 процентыннан язып, 6 айга кадәр холык төзәтү эшләренә җәлеп ителә.

Шул рәвешле, дәүләт эшчеләрне һәм хезмәт­кәрләрне предприятиеләргә бәйләп куярга тырыша. Эш нормалары күтәрелә, түләү киметелә, ә планнарын үтәмәгән колхозчылар җинаять җаваплы­лыгына тарттырыла ала.
Шулай да ил җитәкчелегенең халыкның энтузиаз­мын күтәреп, шул ук вакытта куркытып, куелган максатларга ирешү теләге тиешле нәтиҗәне бирми.
Читайте нас: