+21 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
25 июнь 2016, 02:00

Украина да акылга килми калмас...

25 июньдә дөньяда яшәүче 270 миллион славян Дуслык һәм бердәмлек көнен билгели.Бу бәйрәм ХХ гасырның 90нчы елларында славян халыклары тарихи тамырларын белүне, мәдәниятен һәм күпгасырлык дуслык җепләрен саклауны максат итеп куеп оештырылган. Ул СССР таркалгач, аерым бәйсез славян дәүләтләре барлыкка килгәч, бәйрәм ителә башлады.

Бу юнәлештә Русия һәм Беларусь җитди адымнар ясады. 1996 елның 2 апрелендә ике илнең Президенты Борис Ельцин белән Александр Лукашенко Мәскәүдә “Русия һәм Белоруссия берлеген оештыру турында” килешүгә кул куйды. Бер елдан, 1997 елның 2 апрелендә “Белоруссия һәм Русия берлеге турында” килешү төзелде. Бу документ ике дәүләтнең үзара бәйләнеш­ләрен ныгытырга булышлык итте.

1997 елның 23 маенда Белоруссия һәм Русия бер­ле­генең Уставы кабул ителде, ә 1998 елның 25 декаб­рен­дә ике ил Президенты “Русия һәм Бе­ло­руссиянең арытаба бердәмлеге турында” дек­ларациягә кул куйды. 1999 елның 8 декабрендә “Союздаш дәүләт төзү турында” килешү гамәлгә керде.

Моңа кадәр бу бәйрәм Русия, Беларусь һәм Украинада киң билгеләнә иде. Ләкин соңгы елларда бу илләр арасында дуслык җепләре өзелде. Украинадагы аянычлы хәлләрне күреп торабыз, ул ил җитәкчелеге АКШның авызына гына карап тора. Илне таркатуга юнәлтелгән сәясәт тугандаш славяннар арасындагы дуслыкны какшатты.

Kиләчәктә Украина җитәкчелеге аңына килеп, гасырлар дәвамында килгән канкардәшләре арасында дуслыкны тергезер, дип ышанасы килә.
Читайте нас: