+21 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
30 июнь 2016, 02:00

74 миллиард сум акча тупланган

1945 елның 30 июнендә СССР Югары Советы Президиумының “Эшчеләргә һәм хезмәткәрләргә отпусклар турында” Бөек Ватаны сугышы тәмамлануга бәйле Указы дөнья күрә. 1 июльдән сугыш чорында бетерелгән чираттагы һәм өстәмә отпусклар тергезелә, эшчеләргә һәм хезмәткәрләргә файдаланылмаган яллар өчен махсус вкладлар рәвешендә акча күчерү туктатыла.

Сугыш башлануга дүрт көн дигәндә, СССР Югары Советы Президиумы Указы белән пред­приятиеләрдә һәм учреждениеләрдә чираттагы һәм өстәмә отпусклар бетерелеп, акчалата компен-сациягә алыштырыла. 1942 елда граждан­нарның саклык кассаларындагы исәпләрендә файдаланылмаган яллар өчен акчалата компен­сацияләр җыела башлый, ләкин акчаны сугыш тәмам­лангач кына алырга мөмкин була. Отпусклар ул вакытта авыру очракларында гына, шулай ук йөклелек һәм бала тудыру буенча гына бирелә.

Нәтиҗәдә, халык кулында сугыш вакытында алынмаган 74 миллиард сум акча җыела, бу сугышка кадәр булганнан 4 тапкыр артык булып, кайбер белгечләр фикеренчә, 1947 елда акча реформасына китерә.
Читайте нас: