+24 °С
Ачык
Гәзиткә язылуVKOKTelegram
Барлык яңалыклар
Календарьда бу көн
30 июнь 2016, 02:00

“Катюша”ны... халык дошманы җыйган

1941 елның 30 июнендә “Катюша”(БМ-13) коралы җыелган. Шул ук елның 14 июлендә Орша шәһәрендә фашистлар аның куәтен беренче тапкыр татыган һәм сугыш беткәнче онытмаган. Дошманны утлы табада биеткән, Бөек Ватан сугышында җиңүгә зур өлеш керткән бу корал бик күп җырларда данланган, аның турында байтак шигырьләр язылган. Аның тарихы турында да роман язарлык.

“Катюша”га охшаш коралны 1916 елда ук морза Иван Граве уйлап тапкан. Зур тизлектә, еракка оча алучы ракеталарның нәтиҗәлелеге күзгә күренеп торса да, аның ачышына колак салучы булмаган. 1938 елда Граве халык дошманы буларак репрессияләнгән. 1939 елның 23 февралендә Сталин приказы белән ул иреккә чыгарылган. Шул ук вакытта галимне “Катюша”ны ясаучы хокукыннан мәхрүм иткәннәр. Әлбәттә, төрмә шулпасын татып, янә иреккә чыгучы моңа каршы килмәгән. Бүген рәсми рәвештә “Катюша” авторлары булып башкалар санала. Шулай да, аңа нигез салучы булып акланган халык дошманы Граве кала.

1941 елда Воронежда реактив артиллерия җитештерү җайга салына. Шул ук елда беренче реактив артиллерия батареясе оештырыла. Дошманга үлем белән янаган корал турындагы җыр совет солдатларының рухын күтәрергә дә ярдәм иткән.
Читайте нас: