+16 °С
Болытлы
Гәзиткә язылуVKOKTelegram
Барлык яңалыклар

Дөнья кооперативлары берләште

“Кооперация” сүзе латин теленнән “хезмәттәшлек” дигән­не аңлата. Гомум максатларга ирешү өчен аерым кеше­ләр һәм оешмалар, дәүләтләр кооперациягә берләшә. Аерым юнәлешләрдә югары нәтиҗә­ләргә ирешү өчен хезмәт, сәнә­гать, фән, дәүлә­тара һәм башка кооперацияләр эшли. Аны оеш­тыруның төп максаты – кеше­ләр­нең социаль-икътисади һәм мәдәни тормыш шартларын яхшырту булып тора. Оешмага керү ирекле. Ул демократик башлангычта идарә ителә, аның әгъзалары тигез хокуклы.

“Кооперация” сүзен беренче тапкыр Англия икътисадчысы Роберт Оуэн (1771-1858) 1820 ел башларында кулланган. Ул хуҗа­лык, мәдә­ни-агарту, иҗтимагый-сәяси проблемаларны бергә­ләп чишү максатыннан әлеге хәрәкәтне оештыра һәм аның теоретигы булып санала. Канада кооператоры Александр Лейдлоу исә берләшүнең төп максаты – дөнья халкының яшәешен яхшырту өчен дип исәпли. Ничек кенә булмасын, хәрәкәт изге максатлардан оешкан.

Берләшкән Милләтләр Оешмасы 1992 елда июль­нең беренче шимбә­сендә Халыкара кооперативлар көнен уздыру турында карар кабул итте. Ул Халыкара кооператив альянсының йөз еллыгы уңаеннан эшләнде. Шул елдан башлап сафларында 700 миллионнан артык кешене берләштер­гән бу җәмгыять үз һөнәри көнен билгели.

Халыкара кооперативлар көнен узды­руның төп максаты – дөнья җә­мә­гатьче­ле­генең игътибарын кооперативларга юнәлтү, халыкара кооператив хәрәкәтен киңәй­тү. Бу хәрәкәт социаль-икътисади үсештә мө­һим факторларның берсе булып тора.

Бу көнне дөньядагы барлык кооперативлар масштаблы һәм зур булмаган пробле­маларны чишүдә берләшеп эш итүнең нәтиҗәлелеген ассызыклыйлар.
Читайте нас: