+9 °С
Болытлы
Гәзиткә язылуVKOKTelegram
Барлык яңалыклар

Полтавада дошман үлем таба

Русиядә һәр елның 10 июлендә Полтава сугышында җиңү көне билгеләнә. 1709 елда бу көнне Петр Беренче швед гаскәрләрен тар-мар итә.

Петр I Карл XII җитәкчелегендәге швед гаскәрлә­реннән Ливонияне тартып алганнан соң, анда Санкт-Петербург кирмәненә нигез салына. Карл, үзәк Русияне яулап, Мәскәүне кулга төшерү эшләрен башлый. Ләкин гаскәренең өчтән берен югалту, һава торышы­ның начарлыгы һәм үзе яралану сәбәпле, Полтавада зур югалтулар кичерә. Ул бәрелештә швед гас­кәр­ләрендә союзниклары белән бергә 37 мең кеше, 41 артиллерия орудиесе исәпләнсә, урыс армиясендә 60 мең кеше, 102 артиллерия берәмлеге була. Урыс­ларның көт­мә­гәндә һөҗүм итүе сәбәпле, дошманның 4 кенә орудиесе ут ачарга өлгерә. Полтава сугышында шведлар 9 мең кешесен югалта, 19 меңе кулга тө­шерелә. Урыс армиясе 1345 кешесен югалта, 3290 кеше яралана. Чигенеп барган швед армиясенең бер өлеше камалышка эләгеп, тагын 15 мең дошман ка­питуляцияләнә. Карл XII Төркиягә кача. Шведлар Фин­ляндия, Польша, Балтыйк буе илләреннән куып чыгарыла.
Читайте нас: