+12 °С
Болытлы
Гәзиткә язылуVKOKTelegram
Барлык яңалыклар
Календарьда бу көн
23 июль 2016, 02:00

Ул Президентка турыдан-туры буйсына

2014 елдан безнең илдә яңа һөнәри бәйрәм — Тикшерү органнары хезмәткәре көне билгеләнә. Бәйрәм көне итеп нәкъ 25 июль сайлануга бер тарихи вакыйга сәбәпче.

1713 елның 25 июлендә Петр I указы белән Русиядә беренче махсуслаштырылган тикшерү органы — Тикшерү кан­целяриясе барлыкка килә. Ул турыдан-туры дәүләт башлыгына буйсынган һәм алдан тикшерү үткәрү вәка­ләтләренә ия тәүге дәүләт органы була. Яңа орган дәүләтчелек нигезләрен какшатырга тырышучы коррупцион гамәл­ләргә: ришвәтчелеккә, дәүләт милкен үзләштерүчеләргә, мошенникларга каршы көрәшә. Асылда, Петр I дәүләт дә­рә­җәсендә коррупциягә каршы көрә­шергә омтылыш ясый. Мәсәлән, XVIII гасыр башында Русиядәге 23 сенатор­ның 11е Тикшерү канцеляриясе игътибарын җәлеп итә, алар җинаять җавап­лылыгына тарттырыла. Бу күп чиновникларга ошамый, билгеле, һәм Петр I үлгәннән соң әлеге канцелярияләр юк­ка чыгарыла һәм онытыла.

1860 елда суд реформасы барышында Александр II бу органны тер­гезергә тырышып карый һәм, тикшерү органнарын полиция составыннан чыгарып, судларга тапшыра. 1917 елдан соң тикшерү бүлекчәләре барлык хокук саклау органнарында да диярлек пәйда була. 1929 елда җи­наятьләрне тикшерү бурычлары РСФСР Прокуратурасына күчә.

2007 елда гына тикшерүгә җитәкче­лек итү вәкаләтләре прокурорлар компетенциясеннән алына. Шушы ведомствога буйсынуын дәвам итсә дә, прокуратураның тикшерү аппараты күрелгән чаралар нәтиҗәсендә бәйсез һәм үзаллы ведомствога әйлә­нә. Тикшерү органнарының үсеш моделе Петр I системасына кайтуы 2011 елның 15 гыйнварында гына гамәлгә ашырыла. Бу органга Русия Президенты җитәкчелек итә һәм Тикшерү комитеты Рәисе Президент тарафыннан тәгаенләнә башлый. Тикшерү комитетының бәйсезлеге коррупциягә каршы, шул исәптән югары власть органнарында, нәтиҗәле көрәш алып бару өчен шартлар булдыра.
Читайте нас: