+22 °С
Ачык
Гәзиткә язылуVKOKTelegram
Барлык яңалыклар
Календарьда бу көн
22 сентябрь 2016, 02:00

Күз авырулары институтына – 90 ел

1926 елның ноябрендәге карар белән Башкортстанда күз авырулары дәваханәсе нигезендә Трахома фәнни-тикшеренү институты ачыла. Ләкин проблеманың кискенлеге тиз генә бетми әле. Республикага “күз отрядлары” җибәрелә. 1934 елга кадәр 46 отряд тарафыннан 147 мең авыруга ярдәм күрсәтелә.

1933 елга Уфа институты составында хирургия, вирусология һәм ике трахома бүлекләре була. 1936 елда анда офтальмология кафедрасы оештырыла.

Авыр сугыш һәм аннан соңгы еллар үткәч, 1965 елда гына республикада трахома проблемасы тулысынча хәл ителә. Шулай да офтальмологлар алдына яңа проблемалар килеп баса: Башкортстан илнең зур нефть-химия төбәгенә әверелгәч, нефть һәм резина-техника продукт­ларының эшчеләр һәм урындагы ха­лык­ның сәламәтле­генә йогынтысын тикшерү башлана. Күз микрохирургиясе һәм лазер дәвасы уйлап табыла.

Бүген Уфа күз авырулары институтында биш дә­ва­лау (шул исәптән, берсе 17 яшькә кадәр балалар өчен) һәм фәнни-мәгариф бүлеге бар.

Ел саен институтның ике филиалы 40 меңнән артык авыруга офтальмология яр­дәме күрсәтә. Шул исәптән, республикага якын өлкә­ләр­дән һәм шәһәрләрдән дә мөрәҗәгать итәләр. Илнең төрле төбәкләреннән булган 4 меңгә якын бала – Уфа фәнни-тикшеренү институты пациентлары. Бүген башкалада офтальмология ярдә­ме күрсәтүче 4 клиника бар, аларны Башкортстан дәүләт медицина университетында белем алган сәләтле табиблар җитәкли.
Читайте нас: