Барлык яңалыклар
Календарьда бу көн
24 сентябрь 2016, 02:00

Күңелең ишетә белсен...

Халыкара саңгыраулар көне ел саен сентябрьнең соңгы якшәмбесендә билгеләнә. Бу көн 1951 елдан, Бөтендөнья чукраклар федерациясе оешу уңаеннан гамәлгә ашырыла. Көннең максаты – ишетмәүче кешеләр өчен көн саен килеп туган проблемалар хакында җәмгыятькә белдерү. Статистика буенча, дөньяда ишетү сәләте бозылу белән һәр тугызынчы кеше интегә.

Планетада 2500 тел бар. Ләкин галимнәрне көннән-көн ныграк кызыксындырган тагын бер аралашу чарасы бар — караш һәм ишарәләр теле. 50нче елларда Бөтендөнья саңгыраулар федерациясе ишетмәүче кешеләрнең халыкара чараларын хезмәтләндерү максатында Жестуно — ишарәләр теле уйлап таба.

1760 елда аббат де Л,Эпе Франциядә беренче мәктәп — Париж саңгыраулар институтын булдыра. Ул мимик алымга нигез салучы.

Күпләр уйлаганча, чукраклар үзләренә бикләнгән һәм аралашырга яратмаучы түгел. Дистәләгән билгеле һәм бөек кешеләр чукрак булган. Мәсәлән, Пьер де Ронсар — Яңарыш чорының билгеле шагыйре, искиткеч биюче һәм фехтование остасы булган. Тарихта башка бик күп исемнәр дә билгеле: Виктор Гюго, Людвиг Бетховен, Жан-Жак Руссо һәм башкалар.

Бүгенге көндә ишетү сәләтендәге төрле тайпылышлар белән 650 миллион кеше интегә. Без­­нең илдә ишетү һәм күрү буенча 190 мең инвалид яши, ишетү сә­лә­те бозылган балалар өчен махсус мәгариф учреждение­ләре Русиянең барлык төбәк­ләрендә диярлек бар.
Читайте нас в