+17 °С
Яңгыр
Гәзиткә язылуVKOKTelegram
Барлык яңалыклар
Календарьда бу көн
1 октябрь 2016, 02:00

Социаль педагог — ярдәмче һәм таяныч

Бүгенге җәмгыятьнең үсеше кешеләргә, аеруча яшь буынга, аларның тормышка карашына зур йогынты ясый. Әлбәттә, аларның карашы анык булуы бик мөһим. Һәм бу эшне тормышка ашыру белән нәкъ менә социаль педагоглар шөгыльләнә дә инде.

Әлеге һөнәр ияләре олы һәм кече буын арасында үзенчәлекле арадашчы да булып тора, бигрәк тә, “авыр” үсмерләр булган очракта. Сер түгел, проблемалы һәм имин булмаган гаиләдә тәр­бияләнүче балалар җәмгыятьтә һәрвакыт яшерен нәфрәт, күрал­мау­чанлык хисе, аларны аерып алу теләге тудыра. Тик вакытында күрсәтелгән ярдәм, игътибар һәм бөртекләп башкарылган эш кенә андый бала­ларның язмышын билгели, уңай нәтиҗәләр китерә. Бу җаваплы эшне бүген социаль пе­да­гоглар башкара.

Социаль педагогларның бәйрәме ел саен 2 октябрьдә үтә. Башкалар белән чагыштырганда, ул бик яшь бәйрәм, быел 8нче тапкыр уза. Аны үткәрү турындагы карар 2009 елда Копенгагенда социаль педагогларның халыкара конференциясендә кабул ителә.

Әлеге игелекле һөнәр ияләрен бүген мәктәптә, интернатта, балалар йортында, реабилитация үзәгендә, социаль хезмәт күрсәтү урынында очратырга була. Социаль педагог — авыр тормыш хәлендә калган, имин булмаган гаиләдәге, психик яки физик тайпылышы булган балаларның иң якын ярдәмчесе, таянычы. Алар бүген балаларга аеруча кирәк.
Читайте нас: