+12 °С
Ачык
Гәзиткә язылуVKOKTelegram
Барлык яңалыклар
Календарьда бу көн
4 октябрь 2016, 02:00

Елмаеп-көлеп кенә!

Кайберәүләрнең елмаюы кояш кебек ә кайберләрдә ул, иске ишек ачылгандай, “шагыр-шогыр”, теләр-теләмәс кенә килеп чыга. Әмма анысы да усал караштан яхшырак. Бүген аның һәммә төре дә кулай, чөнки октябрьнең беренче шимбәсендә Бөтендөнья елмаю көне билгеләнә.

“Көлегез, көлегез, файдасы күп – белегез!” дигән­дәй, галимнәр раславынча, елмаюның да файдасы күп. Ул – стресска каршы нәтиҗәле чара. Әйдәгез әле менә шушы мизгелдә үк тормышыгыздагы берәр күңелле вакыйганы хәтерге төшереп, үз-үзегезгә елмаеп куегыз! Кайда булды теге каш җимереп килгән кара болытлар?! Табиблар да, елмаю иммунитетны күтәрә, ирен мускул­ларының хәрә­кәте нерв сис­темасын тәр­типкә китерә, дип исәпли.

Елмаю сезнең позитив кәефтә булуыгызны күрсә­тә, ә хатын-кызлар өчен иң оста куллар салган затлы макияжны да алыштыра ала, бит тиресен яхшырта, җыерчыклар хасыйл булуга киртә куя. Я, кайсыгыз моңа каршы? Каршылар юк, димәк, елмаеп-көлеп кенә, дуслар, елмаеп-көлеп кенә...
Читайте нас: