+21 °С
Яңгыр
Гәзиткә язылуVKOKTelegram
Барлык яңалыклар
Календарьда бу көн
10 ноябрь 2016, 02:00

Галимнәр бәйрәме

10 ноябрьдә Җир шарында Бөтендөнья фән көне билгеләнә. Аның төп максаты – фән казанышларын халык мәнфәгатендә файдалану, киң җәмә­гатьчелек һәм галимнәр арасындагы бәйләнеш­ләрне ныгыту. Фән көнен рәсми рәвештә билгеләү тәкъдиме 1999 елда Будапешт шәһәрендә узган Бөтендөнья гыйльми конференциясенең резо­люциясенә кертелә.

Шушы карарга нигез­ләнеп, ЮНЕСКО 2001 елдан Бөтендөнья фән көнен бәйрәм дип игълан итә. Беренче тапкыр ул рәсми рәвештә 2002 елның 10 ноябрендә билгеләнә.

Бу көнне галим-голәмә төрле дәрәҗәдәге симпозиумнар, конференцияләр үткәреп, коллегалары белән аралаша, халык алдында чыгыш ясый; музейларда тематик күргәзмәләр оештырыла. Фән тынычлык өчен хезмәт итәргә тиеш – бу максат һәр галимнең күңелендә яши.
Читайте нас: