Барлык яңалыклар
Календарьда бу көн
10 декабрь 2016, 02:00

Таулар — яшәеш чыганагы

Халыкара тау көне БМОның Генеральный Ассамблеясе резолюциясе нигезендә быел ундүртенче тапкыр үткәрелә. Аның максаты — дөньяның таулы төбәкләренә һәм анда яшәүчеләрнең проблемаларына игътибарны күбрәк җәлеп итү.

Таулар — табигый байлык, географик төшенчә һәм ресурслар чыганагы булу белән генә чикләнми. Соңгы елларда алар туризмны үстерү һәм табигать һәйкәлләрен саклау, пропагандалау юнәлешендә дә мөһим урын тота.

Планетада таулар коры җир мәйда­нының дүрттән бер өлешен били. Җир шарындагы халыкның 13 процентка якыны таулы урыннарда яши. Һәм әлбәттә, тауларның меңнәрчә төрдәге хайваннар һәм үсемлекләр дөньясы өчен – тыюлык, планетадагы зур елгалар өчен су чыганагы булуын да онытырга ярамый.

Русиянең 43 төбәгендә гомум мәйданда таулар һәм калкулыклар өстенлек алган.
Читайте нас в