Милли музейга халык киемнәрен күрергә килегез!

Иртән Русия халыкларының мәдәни мирасы елы һәм Башкортостан халыкларының милли костюмы көне кысаларында башкорт милли костюмы осталарының «Тамға» II халыкара конкурсының иң яхшы эшләре күргәзмәсе ачылды. Ул Башкортстан Республикасы Милли музеенда 2022 елның 29 апреленә кадәр эшләячәк.

Экспозициядә проект финалчылары, Уфа, Мәскәү, Сибай шәһәрләреннән, Чиләбе, Ырынбур өлкәләреннән, Архангель, Балакатай, Гафури, Кырмыскалы, Мәчетле, Туймазы, Учалы районнарыннан костюмнар һәм дизайн осталары, рәссамнарның эшләре тәкъдим ителгән.

Тәү башлап «Тамға» конкурсы 2020 елда узды.

«Әгәр беренче тапкыр катнашучылар күбесендә заманча стильләштерелгән милли костюмнар тәкъдим итсә, 2021 елда нәкъ менә аутентик костюмнар күбрәк тәкъдим ителде, - диде Республика халык иҗаты үзәге генеральный директоры Артур Әлибәков - Шуңа күрә бүген без дизайнерлар эшләрен, безнең республиканың төп музее — Башкортстан Милли музее мәйданчыгында тарихи чын милли костюмнарыбызны тәкъдим итү мөмкинлегенә ия», — дип билгеләп үтте ул һәм республика халкын халык иҗаты калейдоскобына кушылырга чакырды.

Ул шулай ук республика Башлыгы Радий Хәбировка Башкортстан Республикасы территориясендә яшәүче халыкларның мәдәниятен саклауга бик игътибарлы һәм сак караганы өчен рәхмәт белдерде.

Республика Башлыгы исеменнән күргәзмәдә катнашучыларны төбәк Башлыгы Хакимияте Җитәкчесенең беренче урынбасары Урал Килсенбаев сәламләде.

"Берничә ел элек Радий Хәбировның без күнеккән сәхнә вариантларына түгел, ә нәкъ менә башкорт милли киемен тергезү зарурлыгына игътибар итүе бик күңелле. Ул шулай ук чиновникларыбыз хәзер рәхәтләнеп киеп йөргән кием-салымга игътибар итте, - диде ул һәм үзенең милли стилендәге костюмын күрсәтте. — Республикада башкорт милли костюмы осталарының „Тамға“ икенче халыкара конкурсы узды, катнашучыларның иң яхшы эшләрен без бүген Милли музейда күрә алабыз. Бу башкортларның халык киеме дә, заманча автор костюмы да, балалар киеме дә, башкорт милли зәркән бизәнү әйберләре һәм аксессуарлар да".
Күргәзмәгә килүчеләр арасында «Бәхет территориясе» хәйрия фондының Попечительләр советы рәисе Каринэ Хәбирова да бар иде. Ул башкортларның аутентик милли киемен саклауга зур өлеш керткән «Тамға» конкурсында катнашучыларга рәхмәт белдерде.

«Мин бүген монда булуыма бик шат, конкурста катнашучыларга, милли костюмнарны саклау һәм тергезү белән шөгыльләнүчеләргә рәхмәт белдерәсем килә, чөнки бу безнең тарих. Һәр кеше үз тарихын, костюмнан алып гореф-гадәтләренә кадәр белергә тиеш. Бөек һәм зур эшнең һәрвакыт кечкенә әйбердән торуын истә тотарга кирәк. Һәм безнең бөек, зур илебез кече һәм зур халыклардан тора. Шуңа күрә халкыбызның тарихын истә тотарга һәм сакларга кирәк, шунда безнең илнең бөеклеге. Рәхмәт, бәйрәм белән сезне!» - дип котлады ул катнашучыларны.

Күргәзмә кысаларында Әхмәтзәки Вәлиди исемендәге Милли китапханәдә «Халык костюмын интерпретацияләү проблемасы» темасына түгәрәк өстәл узды. Анда мәдәният һәм халык-сәнгать кәсепчелеге өлкәсендәге белгечләр: танылган этнографлар, рәссам-дизайнерлар, әлеге өлкәдә эшчәнлек алып баручы иҗтимагый оешмалар һәм берләшмәләр вәкилләре катнашты. «Түгәрәк өстәл» фән һәм практика вәкилләрен халык киемен үзгәртү һәм трансформацияләү мәсьәләләренә киң җәлеп итү, эшлекле элемтәләр урнаштыру, фәнни һәм гамәли казанышлар белән алмашу, тикшеренүләр нәтиҗәләрен реаль практикага кертү мөмкинлекләре турында фикер алышуны максат итеп куйды.

Башкорт милли костюмы осталарының «Тамға» II халыкара конкурсы 2021 елда сентябрь башында старт алды. Конкурста Италия, Төркия, Казахстан, Мәскәү, Курган, Чиләбе, Оренбург, Самара өлкәләреннән, Пермь краеннан һәм Башкортстан Республикасыннан 200 катнашучы һәм 1020 эш катнашты.