«Газпром нефтехим Салават» юбилеен билгели

Предприятие Русиянең газ-химия сәнәгате флагманнары санына керә һәм төбәк икътисады өчен система булдыручы булып тора. Аның хезмәт коллективы 9 меңнән артык кеше тәшкил итә. Соңгы елларда биредә 70 миллиард сумлык биш эре инвестиция проекты уңышлы тәмамланган.

«Газпром нефтехим Салават» углеводород чималын эшкәртүнең тулы циклын үти һәм 150дән артык продукция җитештерә, шул исәптән автомобиль ягулыгы, мазут, битум, югары басымлы полиэтилен.

- "Газпром нефтехим Салават" – безнең республика өчен алдынгы полигон, анда югары технологияле проектларны гамәлгә кертәләр, бу безнең өчен бик мөһим. Монда фән һәм икътисад синтезы бара. Шуңа күрә без предприятиене сәнәгатебезнең флагманы дип атыйбыз. Без компания җитәкчелегенә һәм сезгә - хөрмәтле завод эшчеләренә бик рәхмәтле. Шулай ук биредә 9 меңнән артык искиткеч, югары хезмәт җитештерүчәнлегенә омтылучы кешеләр эшли.

Сезгә уңышлар, заводның чәчәк атуын телим. Һәм тагын бер тапкыр әйтәм: завод белән республиканы бик тыгыз, партнерлык мөнәсәбәтләре бәйли. Шулай булды, шулай бар, һәм шулай булыр дип өметләнәм. Сезгә тынычлык, игелек һәм иминлек! - дип белдерде Радий Хәбиров.

Тантаналы чара кысаларында «Газпром нефтехим Салават» хезмәткәрләре өчен бушлай яңа автобус маршруты эшләтеп җибәрелде. Транспорт предприятие белән Стәрлетамак арасында расписание буенча йөриячәк.

Республика Башлыгы хезмәт коллективын завод юбилее белән котлады һәм иң алдынгы хезмәткәрләргә Башкортстанның дәүләт бүләкләрен тапшырды.

Фото: glavarb.ru