Бу декабрь нинди булыр?

Җирләр туңды, карлар яуды,
Яшел калды чыршы гына.
Көртләр баса. Кошчык кача
Өй түбәсе ышыгына.

Өши куллар, өши битләр —
Җылы өйгә ашыгыла...
Салкын көннәр алда күпләр —
Кышның әле башы гына...

Ләйсән Якупова.

Истәлекле көннәр, һөнәри бәйрәмнәр һәм юбилейлар

3 — Юристлар көне;
— Халыкара инвалидлар көне.
4 — РСФСРның һәм БАССРның халык артисты Галимҗан Карамышевның тууына 120 ел.
5 — “Кызыл таң” гәзитенең баш мөхәр­рире урынбасары, Башкортстанның атказанган мәдәният хезмәткәре Фәнис Гәрәевка — 60 яшь.
9 — Ватан каһарманнары көне.
12 — Русия Федерациясе Конституциясе көне;
— Башкортстанның халык шагыйре Равил Бикбаевның тууына 85 ел.
14 — Башкорт теле көне.
15 — Салават дәүләт башкорт драма театры оештырылуга 90 ел.
17 — Русия Федерациясенең Стратегик тәгаенләнештәге ракета гаскәрләре көне.
18 — ЗАГС органнары хезмәткәрләре көне.
19 — Халыкара ярлыларга ярдәм итү көне.
20 — Русия Федерациясенең Дәүләт иминлеге хезмәткәрләре көне.
24 — Башкортстан Республикасы Конституциясе көне.
27 — Русия Федерациясе Коткаручылар көне.

Сынамышлар

* Декабрьнең егерме бишендә агачларга бәс кунса, алдагы җәйдә иген уңар.
* Декабрьнең утыз берендә төнлә йолдызлар еш күренсә, ашлык уңар; бәс булса да, ашлык уңар.
* Декабрьдә кар аз булса, җәй коры килә.
* Декабрьдә кара каргалар күренә икән, кыш җылы була.
* Карсыз декабрь — коры яз билгесе.
* Декабрь башында көч­ле бураннар чыгып, кар яуса, июнь башында яңгыр­лар
көт.
* Декабрь җилле икән, март җылы була.
* Декабрь җылы булса, кыш озакка сузыла, яз салкын була, соң килә.
* Декабрьдә җир туңса, кар көртләре булса, уңыш мул булыр.