Гыйнварларга тагын керәбез лә...

Гыйнварларга тагын керәбез лә...
Гыйнвар ае — ап-ак кар төсле.
Гыйнвар карларының аклыгында
Бераз гына тылсым бар төсле...

Гыйнвар карларының аклыгында
Яңа елның көткән шатлыгымы?..
Яңа өметләрдән канатланган
Күңелләрнең ихлас сафлыгымы?..

Гыйнварларга тагын керәбез лә...
Яңа гыйнвар — яңа талпыну...
Гыйнвар карларының аклыгында
Тылсым барлыгына ышану...

Ләйсән Якупова.

Истәлекле көннәр, һөнәри бәйрәмнәр һәм юбилейлар

1 – Яңа ел бәйрәме;
– Русиянең атказанган спорт мастеры, Паралимпия чемпионы, Русия Дәүләт думасы депутаты Рима Баталовага – 60 яшь;
–“Башкортостан кызы” журналының баш мөхәррире Гөлназ Котыевага – 50 яшь.
3 – Башкортстанның халык язучысы Марсель Сәлимовка – 75 яшь.
4 – Күренекле дин әһеле Ризаэтдин Фәхретдинның тууына 165 ел.
5 – Уфа “Нур” татар дәүләт театры актрисасы, Русиянең атказанган, Башкортстанның һәм Татарстанның халык артисты Сәвия Сираевага – 90 яшь.
6 – Язучы Али Карнайның (Имамгали Мөхәммәтдин улы Зөлкарнәев) тууына 120 ел;
– күренекле башкорт композиторы, Русиянең халык артисты Хөсәен Әхмәтовның тууына 110 ел.
7 – Раштуа бәйрәме.
8 – Күренекле курайчы, фольклорчы, телерадиожурналист Юлай Гайнетдиновка – 70 яшь.
9 – күренекле башкорт шагыйре, язучы, драматург Баязит Бикбайның тууына 115 ел.
11 – Рәгаиб киче;
– Тыюлыклар һәм милли парклар көне.
12 – Русиянең Прокуратура хезмәткәрләре көне.
13 – Русия матбугаты көне.
15 – Язучы һәм галим Әмир Чанышевның тууына 115 ел;
– күренекле режиссер Әмир Абдразаковның тууына 90 ел.
17 – Бөтендөнья балалар ачышлары көне.
21 – Инженерлык гаскәрләре көне;
– Бөтендөнья кар көне.
24 – Хирург, медицина фәннәре докторы Мәхмүт Тимербулатовка – 50 яшь.
25 – Русия студентлары көне;
– күренекле җырчы, Русиянең атказанган, Башкортстанның халык артисты Зәки Мәхмүтовның тууына 90 ел;
– педагогия фәннәре докторы, профессор Ильяс Вәлиевка – 75 яшь.
26 – Халыкара таможня хезмәткәрләре көне.
27 – Ленинград шәһәрен блокададан тулысынча азат итүгә 80 ел.