Һөнәри бәйрәмегез белән!

Төбәк җитәкчесе республиканың ягулык-энергетика комплексы белгечләрен һәм тармак ветераннарын һөнәри бәйрәмнәре белән котлады, шулай ук «Башнефть» структурасындагы предприятие һәм оешма хезмәткәрләренә дәүләт бүләкләре тапшырды.

- Энергетика иминлеге, Русиянең суверенитеты һәм муллыгы, һәр йортның иминлеге нефть-газ тармагына бәйле. Һәм бүген күркәм традиция буенча бәйрәм алдыннан без нефть сәнәгате флагманы – «Башнефть» компаниясенең искиткеч коллективын хөрмәтлибез. Сезнең җитештерү казанышларыгыз икътисадны, инженерлык һәм юл инфраструктурасын ныгытуга, мөһим социаль программаларны гамәлгә ашыруга, шәһәрләребезне һәм авылларыбызны үстерүгә һәм төзекләндерүгә зур өлеш кертә, – диде Башкортстан Башлыгы Радий Хәбиров. - Традиция буенча "Башнефть " – төбәк бюджетының төп доноры. 2019 елдан компаниядән республика бюджетына салымнар һәм дивидендлар рәвешендә якынча 135 миллиард сум кергән. Соңгы еллардагы катлаулы мәсьәләләргә карамастан, компания углеводород чималын чыгару һәм эшкәртү дәрәҗәсен, югары инвестиция активлыгын саклый. Хезмәт җитештерүчәнлеген үстерүгә, инновацион технологияләр кертүгә һәм әйләнә-тирә мохитне саклауга юнәлтелгән проектларны уңышлы тормышка ашыра. Узган елда "Башнефть " табигатьне саклау чараларын финанслауны арттырды. 2019 елдан компаниянең «яшел» инвестицияләре 34 миллиард сумнан артып китте. Нәтиҗәдә, атмосфера һавасына йөкләнеш биш ел эчендә 11 процентка кимеде.

Төбәк Башлыгы «Башнефть»нең социаль программаларын, аның күп кенә республика проектларында актив катнашуын аерым билгеләп үтте.

Владимир Чернов республика белән хезмәттәшлекнең нәтиҗәлелеген югары бәяләде.

– "Башнефть" - ул зур ачышлар һәм казанышлар, алга киткән техник карарлар, масштаблы проектларны гамәлгә ашыру тарихы. Бу, беренче чиратта, нефтьчеләрнең – нефть чыгаручыларның, нефть эшкәртүчеләрнең, нефть химикларының, ваклап сату, сервис хезмәтләре хезмәткәрләренең хезмәт батырлыклары елъязмасы. Төрле елларда безнең компаниянең нигезен булдырган һәм ныгыткан барлык кешеләргә зур рәхмәт, - диде Владимир Чернов.

Фото: glavarb.ru