Радий Хәбиров: "Безнең уртак максатыбыз - сәяси тотрыклылыкны саклау"

Чарада катнашучылар хезмәт бурычын үтәгәндә һәлак булган эчке эшләр хезмәткәрләрен бер минут тынлык белән искә алды.

Төбәк җитәкчесе Эчке эшләр министрлыгының шәхси составын һәм ветераннарын һөнәри бәйрәм белән котлады, шулай ук республиканың дәүләт бүләкләрен тапшырды.

- Сез хокук тәртибе сагында нык торасыз, безнең тыныч тормышыбызны саклыйсыз. Югары профессионализм, батырлык, эштәге принципиальлек сезгә криминалга каршы уңышлы көрәшергә, җәмәгать тәртибен тәэмин итәргә ярдәм итә. Быел полиция тарафыннан 20 меңнән артык җинаять ачылган, - дип ассызыклады Радий Хәбиров. – Безнең уртак максатыбыз - сәяси тотрыклылыкны саклау, дәүләт төзелеше һәм гражданлык җәмгыяте нигезләрен ныгыту.

Башкортстан Башлыгы билгеләп үткәнчә, республикадан эчке эшләр органнарының күпсанлы хезмәткәрләре махсус хәрби операция бурычларын уңышлы үти.

Төбәк җитәкчесе билгеләп үткәнчә, республика эчке эшләр органнарына ведомстволарның матди-техник базасын ныгыту һәм полиция хезмәткәрләренә ярдәм күрсәтүне дәвам итәчәк.

Тантаналы чарада шулай ук хокук саклау органнары җитәкчеләре, Эчке эшләр министрлыгы ветераннары чыгыш ясады. Алар Эчке эшләр министрлыгы хезмәткәрләрен һөнәри бәйрәм белән котлады һәм уңышлы эш теләде.

Фото: glavarb.ru