+7 °С
Болытлы
VKOKTelegramБөек Җиңүгә - 80 ел
Барлык яңалыклар
10
Календарьда бу көн
23 февраль , 10:45

Бу бәйрәм — батырлыкка хөрмәт символы!

Владимир Путин Радий Хәбировны Ватанны саклаучылар көне белән котлады.

Бу бәйрәм — батырлыкка хөрмәт символы!
Бу бәйрәм — батырлыкка хөрмәт символы!
Русия Президенты Владимир Путин Башкортстан Башлыгы Радий Хәбировны Ватанны саклаучылар көне белән котлады. Рәсми текст республика җитәкчесе сайтында бастырылган.

"Бу бәйрәм, безнең илдә ата-бабаларыбызның җиңүләренә һәм сугышчан батырлыкларына чиксез хөрмәт символы буларак, һәрвакыт тантаналы рәвештә билгеләп үтелә. Ватанга тугры хезмәт итүнең тарихи традицияләренең шундый какшамас бәйләнеше, бүген хаклык һәм гаделлек, Ватанның азатлыгы һәм бәйсезлеге өчен батырларча көрәшүче Русия сугышчыларын илһамландыра», – диелгән котлауда.

Котлауны Русия Хөкүмәте Премьер-министры Михаил Мишустин да юллаган.
"Хөрмәтле Радий Фәритович! Сезне Ватанны саклаучылар көне белән котлыйм. Бүген без Кораллы Көчләребезнең Бөек җиңүләрен, Ватан азатлыгын һәм бәйсезлеген саклап калган батыр сугышчыларның батырлыкларын искә төшерәбез. Һәм бу көнне үз Ватанына тугры, аның иминлеге һәм территориаль бөтенлеге сагында фидакарьләрчә торучы, яңа буыннар өчен киләчәкне тәэмин итеп, Русиянең суверенитетын һәм куәтен ныгытучы һәркемне аерым рәхмәтебез белән хөрмәтлибез. Сезгә һәм якыннарыгызга уңышлар, сәламәтлек һәм иминлек телим», – дип язган ил Хөкүмәте Рәисе.

Котлау, шулай ук, Русия Президентының Идел буе федераль округындагы Тулы вәкаләтле вәкиле Игорь Комаровтан да килде.


Автор:Зөлфия Фәтхетдинова
Читайте нас: