Радий Хәбиров "Росгвардия"не бәйрәм белән котлады

Республика җитәкчесе сугышчыларны һөнәри бәйрәмнәре белән котлады һәм аларга намуслы хезмәтләре һәм бурычларына тугрылыклары өчен рәхмәт белдерде.

- "Росгвардия" илебезнең ышанычлы терәге булып тора. Һәр көнне хәрбиләр һәм милли гвардия хезмәткәрләре мөһим бурычларны үти – җәмәгать тәртибен тәэмин итә, стратегик объектларны һәм инфраструктураны саклый, җинаятьчелеккә, террорчылыкка һәм экстремизмга каршы тора, – диде Радий Хәбиров. - Сезнең һөнәри осталыгыгыз, илне, гражданнарны кайчак үз гомерегез бәрабәренә якларга әзер булуыгыз тирән ихтирам уята. Сез - Ватанга хезмәт итүнең чын үрнәге.

Ветераннарыбызга аерым рәхмәт. Сезнең сугышчан тәҗрибәгез, фидакарьлегегез авыр сынауларда тулысынча чагылды. Без сезгә баш иябез һәм сугышчан бурычларны үтәгәндә һәлак булганнарны искә алабыз. Аларның батырлыгы безнең йөрәкләрдә мәңгегә калачак.

Башкортстан Башлыгы иреклеләрнең махсус хәрби операциягә бару турындагы кыю карарын билгеләп үтте һәм республика якташларына ярдәм итү буенча барлык йөкләмәләрне дә үтәячәк, дип ышандырды.

Тантаналы өлештән соң Башкортстан Башлыгы сугышчылар белән аралашты һәм "Росгвардия"нең кораллар күргәзмәсен карады, гаскәрләрнең җиһазлану дәрәҗәсен югары бәяләде.

- Егетләрне котларга һәрвакыт киләм. Алар безнең тыныч тормышыбызны саклый, махсус хәрби операция зонасында нәтиҗәле эшли, - диде журналистлар белән әңгәмәдә Радий Хәбиров. - "Росгвардия" составында Салават Юлаев подразделениесе гаскәрләре сугыша. Без алар белән даими элемтәдә. Республика сугышчыларның матди базасын яхшыртуда ярдәм итә. Аларга 20 берәмлек авыр техника, шул исәптән нык сакланган машиналар тапшырылды. Без егетләр исән булсын һәм зыян күрмәсен өчен барысын да эшлибез. Аларның барысына да - тирән хөрмәт сүзләре.

Фото: glavarb.ru