Саумы, декабрь!

Үтте көзләр.
Йоклый инде дөнья...
Җилләр суза хәзер кышкы җыр.
Кошлар киткән күптән.
Тургай җырын
Хәтерлиме икән кышкы кыр?..

Кыш башлана.
Гөлләр сулган күптән.
Туңган җиргә ята ап-ак кар.
Үзе бер моң бит ул
Кыш башлану –
Димәк, язга инде өмет бар...

Ләйсән Якупова.

Истәлекле көннәр, һөнәри бәйрәмнәр һәм юбилейлар

1 – Дәүләт һәм җәмәгать эшлеклесе, педагог, галимә, СССРның мәгариф отличнигы, Русиянең шәрәфле гомуми белем бирү хезмәткәре, Башкорт­станның атказанган халык мәгарифе хезмәткәре Галия Мөхәммәтҗановага – 75 яшь.
2 – Партия, дәүләт һәм җәмәгать эшлеклесе, туган якны өйрәнүче, Бөек Ватан сугышы яугире, Башкорт­станның атказанган мәдәният хезмәткәре Фәйзрахман Хисмәтул­линның тууына 100 ел.
3 – Юристлар көне;
– Халыкара инвалидлар көне;
– бөек татар композиторы Салих Сәйдәшевның тууына 125 ел.
5 – Композитор, Русиянең һәм Башкортстанның атказанган сәнгать эшлеклесе, Салават Юлаев исемендәге дәүләт премиясе лауреаты Рөстәм Сабитовка – 70 яшь.
6 – Данлыклы тюрколог, фольклорчы, этнограф Әбүбәкер Диваевның тууына 170 ел;
– тәүге “НефАЗ” автобусы чыгарылуга – 25 ел.
8 – Икътисад фәннәре докторы, профессор, Бөек Ватан сугышы яугире Шаһит Бикбулатовның тууына 100 ел.
9 – Ватан каһарманнары көне;
– бөек татар шагыйре Хәсән Туфанның тууына 125 ел;
– филология фәннәре докторы, профессор Мирас Иделбаевка – 80 яшь;
– билгеле шагыйрә, Башкортстан­ның атказанган укытучысы Нәҗибә Әминевага – 80 яшь.
10 – Башкорт халкының күренекле улы, дөнья күләмендә танылган галим Әхмәтзәки Вәлиди Туганның тууына 135 ел.
11 – Халыкара таулар көне.
12 – Русия Федерациясе Конституциясе көне.
14 – Башкорт теле көне.
16 – Җырчы, телережиссер, Ш. Бабич исемендәге яшьләр дәүләт премиясе лауреаты Гөлдәр Ишкуватовага – 50 яшь.
17 – Русия Стратегик тәгаенлә­нештәге ракета гаскәрләре көне.
18 – ЗАГС хезмәткәрләре көне.
20 – Русия Дәүләт иминлеге хез­мәткәрләре көне;
– Риэлторлар көне.
21 – Генерал-майор, хәрби эшлекле, Бөек Ватан сугышы яугире Мансаф Галиевның тууына 100 ел.
22 – Башкортстанның атказанган артисты, композитор, җырчы Дияна Ишниязовага – 50 яшь.
24 – Башкортстан Республикасы Конституциясе көне.
25 – Рәгаиб киче;
– күренекле язучы, Салават Юлаев исемендәге дәүләт премиясе лауреаты Рәшит Солтангәрәевның тууына 90 ел.
27 – Коткаручылар көне.
28 – РСФСРның атказанган, БАССР­ның халык артисты, шагыйрә, драматург Рәгыйдә Янбулатованың тууына 110 ел;
– галим-социолог, философия фән­нәре докторы, профессор һәм БАССР­ның атказанган фән эшлеклесе Нариман Аитовның тууына 100 ел.
30 – Уфада Археология һәм этнография музее ачылуга 45 ел.
31 – Яңа ел бәйрәме.

Сынамышлар

* Декабрьнең  егерме бишендә агачларны бәс сырса, алдагы җәйдә иген уңар.
* Декабрьнең утыз берендә төнлә йолдызлар еш күренсә, ашлык уңар; шулай ук бәс булса да, ашлык уңар.
* Декабрьдә кар аз булса, җәй коры килә.
* Декабрьдә кара каргалар күренә икән, кыш җылы була.
* Карсыз декабрь – коры яз билгесе.
* Декабрь башында көчле бураннар чыгып, кар яуса, июнь башында яңгырлар була.
* Декабрь җилле икән, март җылы була.
* Декабрь җылы булса, кыш озакка сузыла, яз салкын була, соң килә.
* Декабрьдә җир туңса, кар көртләре булса, уңыш мул булыр.