Радий Хәбиров гүзәл затларны Халыкара хатын-кызлар көне белән котлады

- Кадерле хатын-кызларыбыз! Сезне чын күңелдән Халыкара хатын-кызлар көне белән котлыйм!

Бу гүзәл язгы бәйрәм үзендә матурлыкны һәм мәхәббәтне, яхшылыкны һәм назлылыкны, сөйкемлелекне һәм зирәклекне гәүдәләндерә - сез үзегездә берләштергән иң яхшы сыйфатларны, кадерле хатын-кызларыбызны. Сез дөньяга яңа тормыш бүләк итәсез. Гаиләдә үзара аңлашу һәм уңайлы шартлар тудырасыз. Үзегезне балалар тәрбияләүгә, йорт мәшәкатьләренә багышлыйсыз. Үзегезне иҗатта, изге эшләрегездә, хәйриячелектә күрсәтәсез. Шул ук вакытта күп кенә профессияләрдә уңышларга ирешәсез, республикабыз үсешенә саллы өлеш кертәсез, - диде Радий Хәбиров.

Бүген бу залда - республикабызның асыл затлары. Аның горурлыгы һәм матурлыгы. Аның интеллекты, мәдәнияте һәм иҗади көче. Сезгә карыйм һәм республикабызда бүгенге хатын-кыз образының никадәр күпкырлы булуын аңлыйм.

Тату һәм нык гаилә - уртак зур хезмәт, аның өчен бүләк - имин һәм уңышлы балалар. Сез - гаилә иминлегенең төп үрнәге һәм ориентирыбыз. Бүген бу залда без - чын-чынлап горурланган кешеләр.

Фото: glavarb.ru