+20 °С
Болытлы
Барысы да Жиңү өчен
15 март 2025, 08:40
Әтиләре даны балаларына ярдәм булып кайта
2023 елның ноябрендә Башкортстанда "Русия Герое" исеменә лаек булган, яки Русия Федерациясе орденнары белән бүләкләнгән махсус хәрбия операция яугирләре, алар һәлак булган очракта, гаилә әгъзаларына бушлай җир кишәрлеге бирү турында закон кабул ителгән иде.
Әтиләре даны балаларына ярдәм булып кайта
Бер ел эчендә бу канун ярдәмендә җирне аеруча аерылып торган 11 сугышчы һәм һәлак булганнарның 46 гаиләсе алды, тагын 300гә якын кеше үз чиратын көтә.
Борай районыннан Илнур Имаев махсус операциягә 2022 елның көзендә киткән, ә декабрьдә хәрби бурычын үтәгәндә һәлак булган. Батырлык һәм каһарманлык өчен хәрби хезмәткәр үлгәннән соң Русия Федерациясе ордены белән бүләкләнгән. Аның гаиләсе Борай авылы читендә шәхси торак төзелеше өчен җир кишәрлеге алган.
"СВОда катнашучыларга ярдәм итүнең бу чарасы турында мин Интернеттан белдем, - ди Ләйсән Имаева. - Гаризаны иремнең прописка урыны буенча Борайга яздым, кирәкле документларны теркәдем, орденны алып килдем. Берничә атна эчендә барысын да килештерделәр, хупладылар, Җир һәм милек мөнәсәбәтләре министрлыгының район бүлегендә миңа җир кишәрлеге тәкъдим иттеләр. Мин ризалык яздым һәм бераз соңрак әзер документларны алдым.
Гаилә канәгать: табигать тә янәшә, кирәк-яраклар да бар, участокка юл яхшы, барып җитү уңайлы. Төзелеш эшләре дә уңышлы булсын!
Фото: "Башинформ"
