Гуманитар колонна фронт яны территориясенә республика гуманитар конвое составында килде.
Ришат Мансуров социаль челтәрләрдә төркемнең СВО зонасында эшләнгән маршрут буенча хәрәкәт итүен хәбәр итте.
"Оператив рәвештә әйберләрне бушатабыз һәм арытаба барабыз. Сугышчыларыбыз белән бу очрашулар бик сөендерә, яңалыклар белән уртаклашабыз. Маршрутта әйберләр бушату нокталары аз түгел", - дип хәбәр итте СВО зонасыннан Ришат Мансуров.
Чишмә районы халкы сугышчыларга өч автомобиль, эчәр су, беренчел кирәк-яраклар, агач материаллары һәм сугышчылар гаризалары буенча җыелган башка әйберләр җибәргән.
Моннан тыш, бу юлы сигез суыткыч камерага порцион итеп төялгән ит ризыклары алып барганнар. Мондый тәҗрибә әлегә беренче тапкыр, дип билгеләп үтә Мансуров. Азык-төлек формалаштыруда урындагы аграрийлар катнашкан. Алар сыер, ат, сарык һәм тавык ите биргән.
Фото: bashinform.ru